amalinks wokungena

Breaking News

Abantu Abalamaviki Amathathu Bengatholi Imali Ethunyezwa Yizihlobo Batshengisela eWestern Union


Abantu abatshengisela phandle kwenkampani yeWestern Union.
Abantu abatshengisela phandle kwenkampani yeWestern Union.

Kulabantu abatshengisele phandle kwamawofisi enkampani yeWestern Union besithi sebelamaviki amathathu bengatholi imali ethunyezwa yizihlobo ezihlala kwamanye amazwe.

Omunye wabo nguNkosikazi Sipho Sibanda othi uselamaviki amabili edinga imali yakhe eWestern Union.

“Ngilapha eWester Union for two weeks, umamazala usesibhedlela uthunyezelwe imali njengoba iZimbabwe ifuna iUS dola esingaliholiyo ulindele kuhlizwa esibhedlela. Kodwa lapha lokhe kuthiwa sibuye kusasa. Sibuya ngemitshova, sifuna imali yethu lapha, asiziboleka.”

Basola okwenzakala eWestern Union koBulawayo.
Basola okwenzakala eWestern Union koBulawayo.

UNkosazana Sindiso Mpofu uthi kukhanya engani imali isinikwa abanye abantu ngendlela ezingaqondanga.

“Abantu beWestern Union silamaviki amabili silanda imali kodwa kulabantu abasuka emuva kodwendwe lolu bathatha imali. Abaqondisi beWestern Union basitshela ukuthi akula mali. Abantu bakithi basebenze nzima bethumeza imali le. Abasitsheli ukuthi kwenzakalani. Khathesi sithi sokwanele. Sesidiniwe ngokudelelwa.”

UNkosikazi Nomathemba Sibanda uthi bafuna imali yabo ngesiphangiphangi.

“Lapha ngibuhlungu ngime phandle eWestern Union. Ubabakazi wami ungithumezele imali ngeviki ephelileyo ngoLwesithathu. Umntanami ubethole indawo eMpopoma High school, khathesi sebebathethe. Umntanami kasayi eMpopoma ngenxa yemali. Ngabe bayasitshela ukuthi imali ingaphi. Abasitsheli ukuthi yindaba bengela mali. Aluba bayatshela abasithumezelayo ukuthi imali akula eZimbabwe. Umbuzo okhona ngothi ‘Ingaphi imali’.”

Abasebenza eWestern Union bazivalele emawofisini bala ukukhuluma lomsakazo weStudio 7 ngodaba lolu.

XS
SM
MD
LG