amalinks wokungena

Breaking News

Kungcwatshwa uWinnie Madikizela Mandela eSouth Africa


Umfanekiso kamuyi uNkosikazi Winnie Madikizela-Mandela.
Umfanekiso kamuyi uNkosikazi Winnie Madikizela-Mandela.

Abakhulume embuthanweni ngoMgqibelo bemncoma bagoqela indodakazi yakhe uNkosikazi Zenani Mandela-Dlamini, kanye leziphathamandla zebandla leNational African Congress, labanye.

Owayelwisana lombuso wobandlululo owe apartheid kweleSouth Africa uNkosikazi Winnie Nomzamo Madikizela-Mandela otshone ngeviki edluleyo, ubekiwe emathuneni eFourways Cemetery, eSouth Africa ngoMgqibelo.

Abakhulume embuthanweni ngoMgqibelo bemncoma bagoqela indodakazi yakhe uNkosikazi Zenani Mandela-Dlamini, kanye leziphathamandla zebandla leNational African Congress, labanye. Bekulabakhokheli bamazwe agoqela iNamibia, Democratic Republic of Congo, Zimbabwe, kanye labalweli bamalungelo abansundu, uReverend Jessie Jackson we Melika engomunye wabo.

Umufi owayeyinkosikazi kamuyi uMnu. Nelson Rolihlahla Mandela, wake wathwaliswa amagabha avuzayo nguhulumende wabamhlophe njalo wabotshwa ngomnyaka ka 1969 esetheswa icala lokuzama ukugenqula umbuso wabo.

Ngomnyaka ka 1991 watholakala elecala kudaba lokuthunjwa lokubulawa kosakhulayo uStompie Seipei, encedisana leqembu leMandela Football Club.

Wehlukana loMnu. Mandela ngomnyaka ka 1996 ngoba ebikwa wayevele ethandana lelinye igqwetha ahlangana lalo umyeni wakhe engakakhululwa entolongweni.

XS
SM
MD
LG