amalinks wokungena

Breaking News

World Aids Day: UMnangagwa Uthi Selehlile Inani Lababulawa Ngumkhuhlane Wengculazi


world AIDS Day

EleZimbabwe limanyana lamanye amazwe omhlaba namuhla ekunanzeni ilanga leWorld Aids Day uMongameli Emmerson Mnangagwa esithi lanxa inhlelo zokulwisana lokumemetheka kwegciwane leHIV ziphanjaniswe ngumkhuhlane weCovid-19 lonyaka, inani labantu ababulawa ngumkhuhlane wengculazi labawuthelelwayo eZimbabwe liya lisehla.

Ekhuluma kumbiko oqondane lalelilanga emsakazweni weZTV izolo ntambama, uMnangagwa uthe njalo inani labantu abaphila legciwane lengculazi abanatha amaphilisi amaARVs selikhwelile laya ku97 percent.

Kodwa omunye osebenza lenhlanganiso enakekela abantu abaphila legciwane leli utshele iStudio 7 ukuthi ayasilela kakhulu lawamaphilisi elizweni.

please wait

No media source currently available

0:00 0:02:35 0:00

Lanxa kunjalo, uMnangagwa wengeze wathi inani lababulawa ngumkhuhlane wengculazi lehle laya ku20,000 nyakenye lisuka 22,000 ngomnyaka ka2018.

Khathesi uthe abantu abaphila legciwane leHIV kuleli bangu1,3 million. Kodwa uthe umkhuhlane lo kumele ubusuphelile eZimbabwe kusiyafika umnyaka ka2030.

UMnangagwa wengeze wathi inani labantu abathelelwe umkhuhlane lo lehlile njalo laya ku40,000 nyakenye lisuka ku47,000 ngo2016.

Kodwa uthe ukhathazekile ngokuqansa kwenani lensane ezithelelwa igciwane leHIV ngonina.

please wait

No media source currently available

0:00 0:01:39 0:00

Facebook Forum

XS
SM
MD
LG