amalinks wokungena

Breaking News

Woza Friday: Baqoqoda Bese Nkust AbeWestern Cousins


Omunye wabakuqembu leWestern Cousins.
Kuhlelo Woza Friday liviki, umsakazo wakho weStudio 7, ulethulela iqembu lamajaha asakhulayo adabuka emzini weNkulumane, koBulawayo, abazibiza ngegama lokuthi Western Cousins.

Leliqembu lijabulelwa ngabantu abanengi ikakhulu abasakhulayo njalo licula imdumo etshiyeneyo. Likhokhelwa nguArchibald Mumbamaro yena owafunda eMtshane Primary School laseMandwande Seconday School ngemva kwalokho wangena kwezomculo.

"Mina ngiqale into zokucula ngo 2011. Ngize ngayaqala ukurecorder ngo2013, sengivakatshele eHarare ngatshayisana lomunye utshomi nje satshayisana nje sakusoma sathola ukuyarecorder. Yikho lapho engibone khona ukuthi into le seningayenza lami. Yikho ukubuya kwami ko Bulawayo 2014 sengizozama ukuthi hayi no kubobonke abafowethu engangidlala labo sasileteam esasihamba layo okuthiwa yiFour Cousins. Ngasengisithi hayi bafowethu asizameni umusic."

Abaculi
Abaculi

Leliqembu laqala lisaziwa ngokuthi yi4 Cousins laguqula igama. Sibuze uAchbald ukuthi pho kungani bacabanga ukuguqula leligama.

"Thina sisuka on the western side yeNkulumane yikho sazibiza ngokuthi Western Cousins. Sile album elilodwa esilalo manje esalikhipha ngoDecember 2019 le single track elilodwa esalikhipha ngo February. I-album bayalamukela abantu, baliyamukele kakhulu. Inkinga esuke yabakhona ngeskhathi sesikhangelele ukuthi ngoApril sifunuku marketer I-album sasifina ukumarketer ngohlobo olutshiyeneyo but kwasuka kwabuya lesisifo se Corona. Okwenza sihlabele umculo esiwuhlabelayo si-inspire yizinto ezenzakala elokitshini and njengabantu kade bengabantu be fashion singahlabeli sihlulekile ukuthi sibuye le genre eliyione so sibuye sihlezi kuma genre amanengi."

Manje phela njengeqembu kumele lazi lapho elimi khona kwezomculo ukuze lidume kakhulu.

"Sidinga lapha esingaba based khona, lapha esizazibona sigood khona. Sokudepender ngabantu ukuthi bawuyamkela kanjani umculo wethu and abantu ama advice abuya esithini so silalapha esidinga khona ukuthi hayi sifunukuhlabela lokhu. Okwamanje sisangena nje wonke ama genre. Amaproject esilawo sisebenza labantu abanjenge, ngisebenza leShakers records, SEDI its an NGO company ngisebenza loDj Cooperman ngibuye ngisebenze le Victory Siyanqoba, ngibuye ngisebenze lamanye nje amaqembu nje amanye ahlukeneyo nje ambalwa just to mention a few."

Esikhathini esesisele njengoba sesidliwe ngumangoye, uArchbald uphosela elokucina kubalaleli.

"Umasingathola usekelo olupheleleyo and not just support but ama advice izinto ezinjalo, siyazisebenza, asimamanager but esikudingayo from kini abalaleli yisupport. And then umusic wethu lingawuthola kuReverb Nation. Reverb Nation konke I album le single kukhona but kodwa sinini nini siyalijikela ialbum lonke kuwo wonke ama social Media platforms. Sikhona ku Facebook @Western Cousins Empire, sibuye futhi sibekhona ku Twitter @Wester Cousins."

Facebook Forum

XS
SM
MD
LG