amalinks wokungena

Breaking News

Woza Friday: Sixoxa loMeluleki Sibanda Owaziwa Ngokuthi The Son of God


Umculi wezokholo lweSiKhristu, uMeluleki Sibanda. (Courtesy Image)

Kuhlelo Woza Friday kuliviki silomculi wengoma zokholo lweSiKhristu, uMeluleki Sibanda, odume ngegama lokuthi Givemore The Son Of God, ocula ekoBulawayo.

Kuloluhlelo siphakamisa abaculi bakithi abatshiyeneyo njalo becula ingoma ezitshiyeneyo. NamUhla siphethe ezokholo silo Meluleki Sibanda. Udabuka ngaphi uMeluleki?

"Ngisuka eMatopo endaweni yaseSilobini, isigaba kuku Ward 9 egabheni. Ngafunda eSilobini ePrimary ngaphuma ngo2010, ngasengisiza endimeni zokucula ngomnyaka ka2016. Ngazo yenza ingoma eyi one isingle ngokusilela kwemali, ngaze ngayathola imali ngomnyaka ka2017. Yikho lapho engaphelelisa ialbum lami lonke ngomnyaka ka2017."

UMeluleki Moyo ucula ezokholo lweSiKhristu. (Courtesy Image)
UMeluleki Moyo ucula ezokholo lweSiKhristu. (Courtesy Image)

Igama lakhe lezomculo nguGivemore The Son Of God kodwa abalandeli bakhe bambiza amagama atshiyeneyo.

"Abanengi bathanda ukungibiza ngokuthi inceku kaJehova. Okwamanje ngilama album amabili eyokuqala ngeka 2017 ethi siyabathandazela elengoma ezingu9. Kuzobuya isecond album ithi Baba Bakhulule ngeka 2020."

Kukhona abamenza wabalomdlandla wokucula uGivemore.

"Ngangithanda ukulalela kakhulu umculo weNsindiso Yamanazaretha kanye leMvuselelo Yamakholwa. So, ngasengihlangana ke loRev M. Tshuma, okhokhela iqembu leMvuselelo Yamakholwa. Wasenginikeza ke amanye amazwi awokungitshengisa indlela. Ngasengi suka kuye ngayahlangana loEvance Nyoni wasengifundisa laye ke ukuthi emculweni uyenza kanje, sase siyenza ingoma ethi ‘Mose Mose’. Ngakho ngacula ngilabo sisi ababili uSindisiwe Sibanda lo Emmaculate Sibanda."

UMeluleki Moyo ucula ezokholo. (Courtesy Image)
UMeluleki Moyo ucula ezokholo. (Courtesy Image)

Engakahambi uGivemore uthi ulesicelo kubalaleli. Siphosele isicelo sakho Nceku yeNkosi .

"Besicela abalesifiso sokusincedisa ngemali zokuthi sirecorde, siqhubekele phambili ngal'msebenzi wethu wokucula. Bangaxhumana lami enambeni lezi engizo zibiza lapha ezithi 0716741631. Ku-Instagram ibizo ngitholakala ngoGivemore the son of God, laph’othola khona ama video ethu. Ku-Facebook ngitholaka ngoGivemore the son of God. Ngiyabonga kakhulu libe lokulalela okuhle emsakazweni weStudio 7."

Besikwejise leNceku YeNkosi, uMeluleki Sibanda, owaziwa ngegama lakhe lokucula uGivemore The Son Of God. Libe lempelasonto ebusisekileyo.

Facebook Forum

XS
SM
MD
LG