amalinks wokungena

Breaking News

Litshaya Kuzwele Iqembu leFamily Voices


Family Voices
Family Voices

Kuhlelo Woza Friday kulivili sileqembu lamajaha woda acula isicathamiya, eleFamily Voices, elicula liko Bulawayo.

Leliqembu sokulesikhathi labakhona njalo labunjelwa enkonzweni yeFamily of God Church (FOG). Indlela abacula ngayo isicathamiya itshaya ngaphakathi yikhonje bethandwa ngabantu abanengi.

UBrighton Ncube nguye omele iqembu lakhe namhlanje. "Iqembu leli labunjwa ngo1999, libalisela abaculi abalodumo olukhulu khathesi esouthern Africa lapha abayingxenye yeJoyous Celebration uErick Moyo, uMkhululi Bhebhe, kuzokuthi uPastor Victor Adams ose based ngale eUK okwamanje, kuzothi uElliot Nhengu, Augustine Moyo, Oliver Chinyenye yibo abasungula leli'qembu ekuqaleni ngomnyaka ka1999. Kwazoza thina manje esizibiza kuthiwa yiFamily Voices 3rd Generation."

Okwamanje amalunga e3rd Generation yiwaphi? "Engingathi ngama current members eqembu leFamily Voices 3rd Generation, kuloRonald Sithole Magigwani, kuzoba loBobby James Hlatshwayo Ordindal, kuzobuya uMelusi Sibanda, kubuye uMichael Sibanda, kubuye uBrighton Ncube kubuye uNkanyiso Gumbo, yiwo amalunga eFamily Voices i3rd Generation."

UPastor Victor Adams kuthiwa wakhuleka okweviki ecela kuNkulunkulu ukuthi kube leqembu lomculo wesicathamiya enkonzweni yabo.

"Injongo yokubunjwa kwaleli qembu kwakuyikuthi ihambise umbiko esingathi ngumbiko weGospel ngengoma, so wasebonukuthi ukuthi into yakhona ihambe kahle kuyabe kumele ukuthi kudingwe ibizo elizavele'Nkosini, yikhukutholakala kwebizo leGroup. Silama Albums amabili khathesi, siphezu kokuncindezela elesithathu."

OkaNcube uthi besakhula babevele bethanda amaqembu acula iacapella afana labo Lady Smith Black Mambazo, Boys ll Men, Acapella Company, Blenders labanye abanengi abacula lumdumo.

"Safisa ukuthi mhlawumbe ngeyinyi'mini lathi sesithuthukile sakhula kancane sihambe ezinyathelweni zabo, abantu abasiInspayayo kuleli'lizwe yibo lamadoda engike ngakhuluma ngawo ekuqaleni uErick Moyo, labo Mkhululi Bhebhe yiwo amadoda ayesithungamela lathi sikhangele kibo saba inspired ukuthi siyephambili ngalowo'mculo. Abalandeli bazamukela kahle ingoma zethu ngoba ingoma zethu ziYouthful zihambisana lesikhathi ,azikho ngale ebadaleni kakhulu, azikho ebantwaneni kakhulu ziphakathilaphakathi, so ziyamukelwa kahle ngabantu abasilandelayo."

Ule lizwi bani kubalaleli mfana KaNcube? "Ilizwi engingalitshiyela abalaleli yikuthi umculo weAcapella ngumculo usulodumo olokhulu. Usekelo lwenu siyaludinga kakhulu ukuthi sibekwazi ukuthi sincindezele kahle iAlbum lethu lesithathu esiliphekayo, njalo lingasithola ku Facebook kuFamily Voices Official, lakuInstagram sikhona kuFamily_voices. Izinto zokuthi sitholi'ndlela zokufaka iMusic yethu kumaAccounts aphandle zinzima, so sisazama ukuthi sidinge indlela zokuthi singakwenza njani lokhu."

Amazwi abo alolongekile, ingoma zabo zihlaba umxhwele, bona-ke bacula beko Ntuthuziyathunqa, Emagumeni KoBulawayo.

Umculo weqembu leFamily Voices
please wait

No media source currently available

0:00 0:05:00 0:00


XS
SM
MD
LG