amalinks wokungena

Breaking News

Woza Friday: Sileqembu Elihamba Ngegama Lokuthi, 'Abafana BakaMzilikazi'


Abafana BakaMzilikazi

Kuhlelo 'Woza Friday' kuliviki sileqembu labadabuka eTsholotsho, eZimbabwe asebehlala kwele South Africa, abazibiza ngokuthi Abafana BakaMzilikazi, bona ke bacula ingoma zomdumo kaMasgandi.

Umculo kaMasgandi ngumculo othandwa ngabantu abanengi ikakhulu eMzansi Africa njalo inengi labaculi abadabuka eZimbabwe labo bayawykhabitha.

UDo It Nkomo umele Abafana BakaMzilikazi, uqala ngokulandisa ukuthi kanti vele igama labo lokucula balikhetha njani.

"Leli gama salisungula ngoba sizama ukuthi sazise abantu ukuthi kunabafana bamaNdebele abakwazi ukwenza. Salisungula ngo2010 sizama ukuthi sehlukanise phakathi kwamaNdebele namaZulu. Njengamanje sinamaAlbum angu6 .AmaAlbum akhona athi, elakuqala lithi "Bathini labafana", elesibili " Hlehlani bafana" , kuze elithi " Ungubaba onjani" , "Intandane" , "Usizi" , lelamanje elithi " Qaphela"."

Leliqembu lilamalunga amabili u Newman Tshuma loDo It Nkomo esixoxa laye bona ke badabuka eTsholotsho kulapho okulenkaba yabo khona njalo balamadlalade athize.

"Endaweni yaseTsholotsho, eSusumana, eSigodi, induna engiphetheyo nguNgqoya. Ngifunde koMazibisa Primary school, ngazofunda iSecondary yami koMavela Government Secondary school. Iqembu siqale ukulisungula ngo2010 okumanje sinamaAlbum angu6 lama DVD angu2."

Oka Nkomo uthi okuqakatheleyo yikuthi abantu besintwini kumele bazi ulimi lwabo lamasiko abo njalo baziqhenye ngokuba yibo kwabo.

"Okwasenza sacula lomculo kuyikuthi sivele singabantu abaneziphiwo ngoba mina njengami ngangingumuntu nje ojayivayo ngasesikolo besineqembu lokujayiva eskolo la engafunda khona koMavela. Kwabayimpumelelo njalo abantu umculo wethu bayawujabulela kakhulu sinje SingamaNdebele ukuthi akhona AmaNdebele asiSupportayo, njalo ngiyagqugquzela futhi ukuthi amaNdebele sikwazi ukuthi siSupportaneni ukuze siyephambili ngezifiso zethu ziphumelele."

Betshaya kamnandi kanje Abafana BakaMzilikazi kulabanye abatshaya iscathulo njengescathulo bebagidela, kuloAyanda, Snesipho, Maqatha, Mihla, Manelisi, Likamva, Lethu, Siphosethu, Sandile, Masande loMandla, lapha kudabukibhrugwe. Bengakambi balomlayezo kubalaleli, Ayi kumnandi phosela ilizwi ungakahambi yenza njalo Doit.

"SingamaNdebele sinje sinazo ziphiwo ezinengi kakhulu. AmaNdebele aneziphiwo kakhulu, ezimangalisayo futhi kuyikuthi masingakwazi ukuthi sisupportaneni singazibona sesikwelinye izinga singamaNdebele njalo owethu umculo uyatholakala kuFacebook ungasesha uthi "Abafana bakaMzilikazi" , nala ku YouTube uyawuthola, nakuPage likhona iPage "Abafana bakaMzilikazi" , ungasesha uzolithola lapho, nakuWhatsApp ungakwazi ukuthi usithole."

ITsholotsho bathi idume ngobugebengu eGoli kodwa Abafana BakaMzilikazi babonisa ukuthi kulabantu abalesiphiwo esikhulu eZhwane ngomculo wabo osezingeni eliphezulu yibo ebesilabo kuhlelo Woza Friday.

please wait

No media source currently available

0:00 0:08:10 0:00

Facebook Forum

XS
SM
MD
LG