amalinks wokungena

Breaking News

Woza Friday: Silomculi uEarnest Masongela


UEarnest Masongela ucula ezokholo lweSiKhristu. (Courtesy Image)

Kuhlelo Woza Friday kuliviki, silomculi odume kakhulu kungoma zokholo, uEarnest Masongela, odabuka eNkayi esabelweni seMatabeleland North.

UMasongela waduma kakhulu ngegama lokuthi ‘Sweet Voice’ esacula leqembu lakhe leHarmony Sounds, elakhathaza ngomculo wengoma zokholo engakazimeli yedwa.

"Ngiqalu kucula ingoma ngingedwa ngo1995 senginanzelele ukubana nginekhono lokuthi ngenze izingoma ngingedwa. Ngizalelwe ke eMbondweni eNkayi. Saqala ukubana sicule ngoba sasivele siselusa sasingabafowethu, abazawami izihlobo zami. Singabafana silingana yikho esaqala iHarmony Sounds sisenkomeni. Kwakungo1974 lapho sisebancane kakhulu."

UMasongela uzalelwe wakhulela ebandleni leSabatha njalo wathanda ukucula esemncane.

"Owangenza ngacula kanje, ngangithanda ukuthi izikolo nxa noma zivaliwe njoba ngangifunda eboarding sengise Secondary eGokwe, ngangisiyavakatsha ePhelandaba lapho okwakuhlala khona umnewethu ngimvakatshele izikolo mazivaliwe. Kwakusenzakala ukuthi ngama Sunday ekuseni ngihambe ngiyebona uFreedom Sengwayo ecula, yaa lwababa nguye owanginika ikhono lokubana lami nginanzelele ukuthi ngingakwenza."

Kunjenje sele studio sakhe lapho apheka abuye acindizele ingoma zakhe lezabanye abaculi abaphathisayo.

UEarnest Masongela ucula ezothileyo. (Courtesy Photo)
UEarnest Masongela ucula ezothileyo. (Courtesy Photo)

"Sengilama album angu12 ngingedwa, izingoma lezi kuHarmony Sounds besingasebenzisi ama-instruments. Kodwa mina ngabona ukubana nginekhono lokubana ngihlanganise konke. Ngangena kuqembu IeEverlasting Convernant lakho sicula umculo ongela ma instruments. Sengihleli kuleli qembu lokhe ngabuyayo iminyaka engu-five sisonke sesi recorde idlalade elilodwa, elithi Ngempela nguJesu. Kulelinye esisebenza phezu kwalo esizalikhipha manje elilengoma eziphakamisayo kakhulu."

UMasongela uphatheka kakhulu kulezinsuku ecula ingoma ezixhwayisa uzulu ngomkhuhlane osuqeda abantu iCOVID-19.

"Ngithanda ingoma ethi Sanitiser kuleli album lami elitsha ngoba ikhuluma ngesituation esiphakathi kwayo eseCOVID-19 ukuthi asisanitizeni sigqoke amamask, sigeze izandla senze konke ngokunjalo. Nxa ukuthatha khonokhu ukufaka kwezakomoya kuNkulunkulu kuzakusebenzela ngenye indlela ongayicabangeliyo."

Ingcwethi zezenhlalakahle kazulu zithi abantu abanengi ngalez’insuku sebezisondeza kuNkulunkulu ngokwesaba umkhuhlane weCOVID-19 ngemithandazo langengoma zabaculi abatshiyeneyo bomdumo wokholo.

UMasongela ngomunye wabaculi laba bengoma ezipha ithemba lokuthi abantu bazaphepha kulolubhubhane.

Woza Friday: Umculo kaEarnest Masongela
please wait

No media source currently available

0:00 0:05:14 0:00


Facebook Forum

XS
SM
MD
LG