amalinks wokungena

Breaking News

Woza Friday: Silomculi Womdumo Wezokholo uNkosi KaNdlovu


UNkosi KaNdlovu.

Kuhlelo Woza Friday liviki uEzra Tshisa Sibanda weStudio 7 uxoxa lomculi odume kakhulu kumdumo wengoma zokholo uNkosi KaNdlovu ocula ekweleBhilithane.

OKa Ndlovu Ungene kwezomculo ngomnyaka ka2007 efika kweleBhilithane evela ekhaya lapho adabuka khona komnyamubambili, eNkayi, eZimbabwe.

"Mina ngizalwe eNkayi eZidulini eGwelutshena ngafunda khona eZidulini eskolo ngayeLozikeyi ngayeSobukazi. Ngiqale ukuhlabela ke emakwayeni khona eZidulini eskolo. Ngaya emaChurch Choir kusiyakusiya. Ngithethe ke eKhezi uMaNcube ngilabafana ke ababili. Ngikhule ngilalela kakhulu imusic ka the late Bhekumuzi Luthuli, loFreedom Sengwayo, Brian Sibalo lomfowethu uLovemore Majaivana"

UNkosi KaNdlovu
UNkosi KaNdlovu

UNkosi KaNdlovu sowaphekela abalandeli bakhe amadlalade ambalwa ahlakazayo ekweleNgandi.

"Ngilama album angu 5, eyakuqala ngo2007 eyayisithi Umusa Grace eyamukelwa kakhulu ngabantu. Kweza eyesibili ngo 2010 eyayisithi Hamba Jona le ngayirecoder lomfowethu uMaqhinga Hadebe oweShabalala Rhythm abanye bangabamazi nguye otshaya ilead guitar kuyonaleyi ialbum. Kweza ngo2013 ngenza u My Journey, ngo2016 ngenza uMy Prayer, ngo 2018 ngenza uNew Day. Amukeleke kuhle ke ama album wonke."

Wenelise ukwethekelela indawo ezimbalwa ejabulisa abalandeli bomculo wakhe uNkosi KaNdlovu. Uke wacula njalo labaculi abadumileyo abajengoSipho Makhabane, Nobathembu owe Joyous Celebration labanye abanengi njalo seke wayacula lasekhaya eZimbabwe.

"Kwenye itour engayenza ngo2015 eZimbabwe, ngibhodabhoda eZimbabwe kwakuthwa yiTour of my Motherland ngasebenza lo siswami engimthanda kakhulu uNoma Nkwali abanye liyamazi. Sabhoda sayeNkayi sayatshayeGwelutshena sayakoBulawayo siloMkhulululi Bhebhe owe Joyous celebration. Saya ePlumtree sayeHarare sasebenza loMathias Mhere, SayeGweru sigqiba iTour yethu siloTakesure Zama Ncube.

Umculi wengoma zokholo uNkosi KaNdlovu
Umculi wengoma zokholo uNkosi KaNdlovu

Isikhathi silomona sesidliwe ngumangoyi, phosela amagama okucina ungakahambi Ndlovini.

“Ngibonge kakhulu abalandeli ngosekelo, umuntu onjengo Sani Ncube uProducer wami, nguye oproducer ama album ami wonke. Abantu abanjengabafowethu engizabaqamba abalandelayo uMathias Mhere, uJeys Marabini, uVusa Mkhaya, uNdlovu, laye usisi Noma. Imusic yami ke iyatholakala online kubo ltunes nanoma yiphi iOn-line station, ungatyper uthi Nkosi Ka Ndlovu iyaphuma kumbe kuFace book uthi Nkosi kaNdlovu ungi inboxe ngiyakuthumela, kuTwitter, Twitter name ngu Ithole leNdlovu nxa lihamba lathi lisisekela. Ngiyabonga kakhulu.”

Okujabulisayo yikuthi uNkosi KaNdlovu ucula enguye ngokwakhe kazami kuzenza omunye umculi, bathi uyi original & authentic. Besilaye kuhlelo Woza Friday. Libe lempelasonto ebusisekileyo.

Woza Friday silomculi uNkosi KaNdlovu siluphiwa nguEzra Tshisa Sibanda
please wait

No media source currently available

0:00 0:07:34 0:00

Facebook Forum

XS
SM
MD
LG