amalinks wokungena

Breaking News

Woza Friday: Sixoxa Lomculi Ongumfundisi uDr. Stanley Maphosa


Umculi wezokholo uDr. Stanley Maphosa
Umculi wezokholo uDr. Stanley Maphosa

Kuhlelo Woza Friday namhlanje silomculi wezokholo uDr. Stanley Maphosa, yena odabuka eBrunapeg, ePlumtree njalo osebenzela kweleSouth Africa.

UMaphosa ulezipho ezinengi nanku phezu kokuba ngumculi, ungumlobi njalo abuye abe ngumfundisi. Usanda kwethula ingoma ezimbili; elesihloko esithi ‘Izazi’ kanye lethi ‘Buya Usindiswe.’

“NginguDokotela weSocial Science, ngi-specialize kuPhD yami ku-youth abantu abatsha, kanti njengoba usutshilo njalo nginguMfundisi,” kutsho uMaphosa.

Uqhubeke wathi: “Ngingu-president wenhlanganiso ebizwa ngokuthi yiAll Believers in Christ (ABC) kanti njalo ngingomunye wabaholi bebandla leREMA Bible Church, abanengi bayalazi ngapha kuWestern District yaseJohannesburg kweleSouth Africa.”

UMaphosa uselobe ingwalo ezine eziphathelane lobukhokheli, ikakhulu enkonzweni.

Ukuhlabela khona uthi wakhula lakho waya lakho lasempini yenkululeko waseqala ukuqina emculweni ngomnyaka ka2000 lapho ethula khona idlalade lakhe lakuqala elilesihloko esithi ‘Salibonani Bazalwane’, wazolandela ngelesiKalanga elithi ‘Tsime Lemalopa ngo2003.”

please wait

No media source currently available

0:00 0:05:19 0:00

XS
SM
MD
LG