amalinks wokungena

Breaking News

Woza Friday: Thandy Dlana Ngomculo Wakhe Othoba Inhliziyo


Thandy Dlana

Kuliviki kuhlelo Woza Friday, silomculi wako Bulawayo osekhathazile kwezomculo we Jazz le Afro Soul uThandy Dlana.

UThandy usemlonyeni yabantu abanengi kulezinsuku ngenxa yedlalade lakhe elimumethe uluju. Inkaba yakhe ivele ikontuthu ziyathunqa.

"Ngizalelwe ngakhulela koBulawayo eLuveve eGwabalanda ngafunda eFusi Primary school lase Inyanda High School lase Foundation College. Ngiqale ukuhlabela ngisafunda ePrimary School, ngahlabela njalo eInyanda ngiku school Choir njalo and then ngahlabela lase Church eAssemblies of God"

Ukucula kuyathandela kuThandy njalo selesikhathi eculela uzulu ngelizwi lakhe elinambithayo, ephakulula indlikizane zengoma.

Umculi uThandy Dlana
Umculi uThandy Dlana

"Ngaqala ngakhipha iEP okuthiwa ngu Ngaziwayo ngo 2014. Khathesi sengile first full album okuthiwa ngu Nganekwane ephumileyo nje emalangeni. Abantu bayamukela kahle batshengisela uthando lokuthakazelela umculo wami. Umculo engiwuculayo kuthiwa yi Ethno Soul elefusion yabo jazz lepop le reggae leBlues."

Uke wasebenza labapheki bemculo emnyakeni ethize edlulileyo abafana lo Percy Face oseMzansi lo Nyasha Makambira we Canada. Kudlalade leli elihlakazayo usebenza lobani.

"I project le engiyi release kathesi ngisebenze lo Samuel Siwela, ngasebenza loSydney Mutzinze, loObey Mudiwa, loPrince Joel Nyoni ngasebenza njalo ku percussion lo Gomez samaDube uMehluli, loRamadu Moyo, ngasebenza njalo loCeline Sky lo Look Da Looks kuma backing vocals."

Thandy Dlana
Thandy Dlana

Bekukuhle ukugwetshisa lawe ntombi yako Dlana phosela ilizwi kubalaleli.

"Siyabonga kakhulu uthando lwenu lokusixhasa kumusic yethu. Umculo wami lingawuthola kuma social media platforms, o ITunes oApple, oDeezer oSpotify, lingawuthola lapho and then also lingangilandela kuFacebook @ThandiDlana1, lingilandele njalo ku Instagram Thandy_Dlana lingilandele njalo laku Twitter @ThandyDlana1 Ngiyabonga kakhulu.

Idlalade leli elitsha lika Thandy Dlana lidla amalangabi, ucela ukuxhaswa yini balaleli nguye ebesilaye kuhlelo Woza Friday namhlanje. Mpelasonto emnandi kini lonke.

Udaba Esilethulwe nguEzra Tshisa Sibanda
please wait

No media source currently available

0:00 0:05:48 0:00

Facebook Forum

XS
SM
MD
LG