amalinks wokungena

Breaking News

Woza Friday: Silomculi uAgenda Odabuka ePlumtree


UAgenda Jonathan Maphosa. (Courtesy Image)

Kuliviki kuhlelo Woza Friday silomculi wakoBulawayo osakhulayo uAgenda Jonathan Maphosa owazakala ngegama lokuthi nguAgenda emsebenzini wakhe.

Lumculi ugxile kumdumo oweJazz Fusion.

UAgenda uzalelwe ePlumtree ngomnyaka ka1995, wayafunda koBulawayo eHelemu imfundo yangaphansi wasesiya eNjube High School kweyaphezulu, qoki ngena Agenda.

Umculi osakhulayo uAgenda Jonathan Maphosa . (Courtesy Image)
Umculi osakhulayo uAgenda Jonathan Maphosa . (Courtesy Image)

"Ekukhuleni kwami ngikhule ngingumuntu olesifiso sokudlala umdlalo wenguqu. Kodwa akusazanga kwabanjalo ngoba ngihlale isIkhathi sami esinengi ngenza into ezomculo. Enkonzweni lapha akade ngihamba khona, ngakho yiwo engiwenzayo lamanje umculo. Ngangena emculweni ngimncane kakhulu eqenjini okwakuthiwa libutho lika Khristu elangekhaya elaliholwa ngomalume bami. Ngasengiyenza ke iproject yami uLove session lapho engihlukane khona leqembu lami ngo 2019."

Ubecula ezokholo enkonzweni leqembu lakhe engakangeni kumdumo weJazz. Kulesizatho sokusebenzisa igama lokuthi Agenda?

"Elokuzalwa engaliphiwa ngabazali elithi Agenda. Ngakubona kufanele lokhu ngakubona kuyinto enhle ejabulisayo elesizotha njalo ke ngo2019 ngakhipha idllade lami lakuqala okuthiwa Love Session. Lathengisa sibili amacopies amanengi abantu balijabulela lamanje lokhe lisayenza kanhle. Ngathola sibili amashow amanenganyana. Abantu basayijabulela basayithanda lamanje."

Umculi uAgenda Jonathan Maphosa/ (Courtesy Image)
Umculi uAgenda Jonathan Maphosa/ (Courtesy Image)

Ukuba likholwa kwamenza uAgenda watshiya ukudlala umdlalo wenguqu wapheka umculo waze wawunikeza igama.

"Ngiyibiza ngeJazz fusion ngoba ngiyahlanganisa amasounds awejazz, imhlobohlobo eminengi eyeJazz yiwo umculo engiwenzayo, njalo engingakutsho abantu engisebenza labo mina ngisebenza labantu kusiya ngokuthi ngifuna isound yami ibenjani. Ngisebenza labantu abanengi kakhulu."

Umculo wakhe uthakazelelwa ngabantu abanengi. Lizwi bani kubalaleli Agenda?

"Ngicela abalaleli labalandeli bexhase kakhulu, besapote kakhulu umculo, yiwo amazwi engingawatshiyela abalaleli. KuFacebook nginguMhlahlo Mhlahlo kumbe Agenda Music, ku YouTube Agenda ZW, Twitter Agenda ZW email Mhlahlomaphosa@gmail.com."

Facebook Forum

XS
SM
MD
LG