amalinks wokungena

Breaking News

Woza Friday: Silomculi Womdumo weJazz uBothwell Bozoe Nkomo


Umculi uBothwell Bozoe Nkomo
Umculi uBothwell Bozoe Nkomo

KuWoza Friday liviki kwele South Africa bekuthakazelela ilanga le Nelson Mandela International Day, ngakhoke uBenedict Nhlapho intathelizindaba yeStudio Seven icabange ukulethulela ingoma zothando ezivela kumculi we Afro-Jazz, uBothwell Bozoe Nkomo.

Linsizwa ezelwe koBulawayo isibhode amazwe amanengi kantike lomculo wayo uqhunswa emisakazweni yerediyo lakumabonakude kutelevision. Uthi ulethemba lokuthi ingoma zakhe lezi zizadala umehluko empilweni zabanengi njengokwenkuthazo kamuyi UMandela.

UBothwel Bozoe Nkomo uzelwe ngo 1986 wakhulela elokitshini leNkulumane koBulawayo. Wayenguye okekela phambili emakwayeni kantike lokhu kwamenza wahle walonda I degree ezifundweni zokucula lokulingisa. Utheke ngokufika eSouth Africa ngo 2008 wahle wangena emculweni we Jazz ekhangwa ngabaculi abafana loRingo.

Wahle waba yintshantshuke waqala ukwethekelela amazwe amanengi ecula I Afro-Jazz.

Ngo 2011 ke wethula idlalade elithi Udumo, elaphinda laphekwa kabutsha ngabe South African Broadcasting Corporation lonyaka.

Lobanje kuyimvama yoluntu ukugegelela imbuya kusesatshwa ulude, uBozoe uthi umdumo weAfro-Jazz wawukhetha esazi ukuthi kawufani ledelele elitshelela lodwa empinjeni.

Uthi ke engomeni ezilitshumi ezikuleli dlalade, usenanzelele ukuthi abantu bathathekiswa ngezothando.Ezidla ubhedu kuleli dlalade zigoqela ethi Ngiphendule lale ethi Wamuhle.

Lobanje enye yenjongozomculo wakhe kuyikuletha injabulo ngomculo opholileyo, uBozoe uthi umculo wakhe uyamakha umuntu.

Ngesikhathi kwabanengi ukwenza imali enengi besebeyidlela ukufa lokuphila, kuyiyo injongo esemqoka kwezomculo, uBozoe yena uthi eyakhe injabulo uyithola ngokusiza abanye.

Ukugcwalisa leli phupho lakhe usehle wavula inkampani ayithi yi Voice Lab, lapho apheka khona amazwi abaculi.

Elakhe ilizwi liyibufakazi bobungcitshi bakhe. Makhulu amaphupho uBozoe alawo okusizana labaculi.

Kubalandela lakho uthi akulahlwa mbeleko ngokufelwa. Uthike, nxa uthanda, umculo opholileyo, ololongiweyo, oculwa kuqunjwaqunjwa iziginci ginci, thintana laye uzitholele intokozo.

please wait

No media source currently available

0:00 0:05:02 0:00
Lapho esitholakala khona

XS
SM
MD
LG