amalinks wokungena

Breaking News

Woza Friday: Silomculi Odume Ngegama Elithi Trick Siza


Trick Siza

Kuliviki kuhlelo Woza Friday silomculi womdumo weAfro Soul, uPatrick Nyawumwe, odume ngegama lokuthi Trick Siza yena ucula ekoBulawayo.

UTrick Siza ligama aliphiwa ngabantu ngoba esakhula wayethanda ukuqila abanye kodwa abuye abasize njalo bengaboni udlala ngenqondo zabo.

"Ngizalwa ngumama uK. Moyo ovela ePlumtree, ngikhulele khona koBulawayo. Ngifunde eRangemore Primary School, eMgoqo Primary School leMandwadwe Secondary. School Ngasengiqala-ke imusic, ngaqala ngimncane kodwa ngethula idlalade lami lakuqala ngo2017 leVelocity Records."

Woza Friday: Trick Cza
Woza Friday: Trick Cza

Kukhona abamenza wazizwa esiba ledlabuzane wokuthi angene kwezomculo?

"Ngangilalela kakhulu umculo lo abathi yiRNB ezothando, ngakhula ngilalela iBoys to Men labanye abanenginengi. Ngasengikhuthazwa ikakhulu nguCalvin loMuzi ababehlabela ingoma leziyana ‘oMa ufuna’ yizo ingoma ke ezangi inspire ukuthanda ingoma zothando."

Ucula ngothando kakhulu Trick Siza, wona umculo wakho uwubiza uthini?

"Umculo engiwuhlabelayo ngawupha ibizo elithi yinxele ngenxa yokuthi awujwayelekanga, ngihlanganisa izinto ezinengi ezingahlanganiyo. Izinto amadoda amanengi angakhulumi ngazo like ethandweni ukuthi bayaqanyulwa inhliziyo labo. Abakhulumi."

Abafuna ukucindezela eyabo imculo bangakuthola ngaphi Trick Siza?

"Mina ngitholakala eVelocity Records, istudio lesiyana esiseduzane leZESA Power plant koBulawayo, mina ngingu producer, ngingu sound engineer khonaphana ngiyenelisa ukuncedisa abaqalayo labanye abafisa nje ukurecorder umculo ohambelana lowami. KuFacebook ngitholakala kuTrick Siza kumbe Carl Bista kumbe liyasidinga kupeji leVelocity Records."

Libe lempelasonto emnandi.

Facebook Forum

XS
SM
MD
LG