Kuhlelo Woza Friday kuliviki silomculi wengoma zokholo uAbednicho Skhosana onguye esithakazelela ikhefu lephasika sikwejise laye.
Namhlanje sikukhefu lePhasika kunjenje kubakuhle ukuthi sijabulele lolusuku ngomculo wengoma zokholo. Siphethe uAbednico Skhosana, ocula ekoBulawayo. Udabuka ngaphi?
"Ngisuka eMatopo ezintabeni, abantu bakubiza bethi kuseziNtabeni esigabeni seGulathi. Ukucula ngiqale ngimcane kakhulu l remember ngangivele ngihlabela kuma Church choirs ngihlabela lasesikolweni kuma school choir sisenza ama competitions lapho so li-talent engilinanzelele ukuthi ngisuke lalo khatshana khatshana kakhulu ngisesemncane. So, ngabona ukuthi ngcono ngiqhubeke ngalelithalenta ngingalekeli nje lilenga emoyeni, so yikho ke ukuqala kwami ukuhlabela ngo2017 lapho ngiqala ukuhlabela leHarmony Sounds."
USkhosana uthi wavele wakhula ewukhwabitha umdumo wokholo lweSiKhristu ngoba ekhule ewucula ecaweni.
"Umdumo wegospel ngiwuthande kakhulu njalo yikuthi ngakhulela ebandleni. So, ngo2019 nga introducer my first new album elesihloko esithi Thandolwenkosi ebalisa ingoma ezithi Themba, Umtshado, Umsebenxi lezinye zangkhona, zona zingu 8 kudlalade leli. Then abalaleli bawuthanda kakhulu umculo wami yikho okwayenza ngaqhubekela phambili ngokucula umdumo wegospel."
Ekuculeni kwakhe uSkhosana kwabalenkuthazo enkulu ukuthi acule esiya phambili angabuyeli emuva.
"Okwenganza lami ngathi hayi mana ngiphakamise italent lami nguErnest Masongela yena esebenzela kwelase South Africa, then kuthi engisebenza labo ngisebenza loVelaphi Gumbo onguye ongenzela ama instruments njalo engenzela lamabackings backing vocals, then kuthi uGodknows Nyathi ungenzela amabacking vocals then loNestar Sikhosana engenzela ama backing vocals."
Umculo wakho bengawuthola ngaphi abalaleli Skhosana?
"Nxa lifuna umusic wami liyawuthola kuYouTube amavideos akhona ngawa uploader kuYouTube, then abafuna ukuthi sixoxisane nje ukuthi umusic bengawuthola njani ngikhona kuFacebook Abednico Sikhosana, kuTwitter ngikhona Abednico Sikhosana. Then abangafuna ukuxoxisana lami ku whatsapp loba nje ukungifonela inumber zami ngiyaziqamba nanzi 0776 550 789 ngiyabonga kakhulu ukuba lani balaleli."