Ibandla leZanu PF lithi ngamanga aluhlaza tshoko ukuthi kulabantu abazame ukuthumba uMnu. Nelson Chamisa webandla leMDC ngoMgqibelo evela emhlanganweni eMarondera.
Okwethulwe libandla leZanu PF kuhambelana lokukhulunywe nguhulumende othi uChamisa labalandeli bakhe yibo abahlasele abantu bezihambela ngezimota zabo akade becabanga ukuthi ngamapholisa ensitha.
Ibandla leZanu PF lithi akulamuntu ongathumba uChamisa njengoba esaziwa umhlaba wonke jikelele.
UMnu. Joseph Tshuma, okudale leCentral Committee kubandla leZanu PF, uthi akuqedakali okukhulunywa yiziphathamandla zebandla leMDC njalo akulamuntu olengqondo ezeneleyo ongathumba uChamisa owaziwa kakhulu emhlabeni wonke jikelele.
Kodwa uMnu. Prince Dubeko Sibanda, okubandla leMDC elikhokhelwa nguMnu. Nelson Chamisa, uthi akumangalisi okwethulwe nguhulumende lebandla leZanu PF.
