amalinks wokungena

Breaking News

Amagqwetha kaMnangagwa Athwalele Ubhulo akaMusengezi Ofuna Asuswe Esikhundleni Esiphezulu Kubandla leZanu PF


UMongameli Emmerson Mnangagwa

Amagqwetha amele uMongameli Emmerson Mnangagwa athi kumele uMnu. Sybeth Musengezi asuse emthethwandaba udaba lokuzama ukumsusa esikhundleni sikanobhala jikelele webandla leZanu PF.

Amagqwetha kaMnangagwa aselobele amele uMusengezi esithi bazabaphosela emthethwandaba nxa bengasusanga udaba lolu eHigh Court.

Bathi udaba luka Musengezi likhanya lusekelwa ngabazonda uMnangagwa abafuna ukubona esuswa esikhundleni njalo kaluzwakali.

UMusengezi uthi uMnangagwa kakhethwanga ngemfanelo ngomnyaka ka2017 kulandela ukusuwa kowayengumongameli umuyi uRobert Mugabe esikhundleni.

Uthi idale leCentral Committee elenza umhlangano lafaka uMnangagwa esikhundleni lenza okungekho emthethweni ngakho-ke kumele asuswe esikhundleni sikanobhala jikelele webandla leZanu PF.

Amagqwetha kaMusengezi athi azamangalela amele uMnangagwa ngencwadi abayilobileyo eveza inzondo hatshi ubungcwethi bezomthetho. Bathi kabasoze balususe udaba lolu emthethwandaba ngenxa yokwethuselwa ngamagqwetha kaMnangagwa.

Facebook Forum

XS
SM
MD
LG