amalinks wokungena

Breaking News

Zanu PF: Idale lePolitburo Alisoze Likhulume Ngozathatha Isikhundla sikaMohadi Namuhla


FILE PHOTO - On Dec. 28, 2017, Zimbabwe’s newly appointed vice president Kembo Mohadi reacts as he looks on during the swearing-in ceremony in Harare.
FILE PHOTO - On Dec. 28, 2017, Zimbabwe’s newly appointed vice president Kembo Mohadi reacts as he looks on during the swearing-in ceremony in Harare.

Ibandla leZanu PF lithi alisoze likhulume ngodaba lokuthi ngubani ozathatha isikhundla somsekeli kaMongameli esitshiywe nguMnu Kembo Mohadi emhlanganweni walo wepolitburo namuhla.

UMohadi utshiye umsebenzi ngoMvulo kulandela ukuchaywa kwakhe yinkundla yeZimLive isithi ubethandana lamakhosikazi abanikazi kanti njalo ubesiya emacansini emahofisini akhe.

Isikhulumeli salelibandla uMnu Tafadzwa Mugwadi utshele lumsakazo ukuthi udaba lozathatha isikhundla lesi alukho kundikimba yabo namuhla.

Inengi liqhubeka lizibuza ukuthi ngubani kahla-kahle ozaphiwa isikhundla lesi nguMongameli Emmerson Mnangagwa.

Abanakanelwayo bagoqela oMnu Obert Mpofu, uTshinga Dube, umholi webutho uGeneral Philip Valerio Sibanda kanye loNkosikazi Sithembiso Nyoni.

UMohadi ubikwa echaywe ngabacuphi abasebenzisa imitshina ukulalela lokuthapha ayekukhuluma encingweni zakhe labesifazana ecela ukuya emacansini labo.

UMnu Mohadi wake wetheswa icala lokubulala uMnu Strover Mutonhori, yena obikwa wayethandana lowayengumkakhe, uTambudzani ngomnyaka ka1999.

Ilunga leZanu PF uMnu Joseph Tshuma utshele iStudio 7 ukuthi lanxa uMohadi ewalandula amacala awetheswayo, kuyancomeka ukuthi ukhethe ukutshiya umsebenzi.

please wait

No media source currently available

0:00 0:02:58 0:00

XS
SM
MD
LG