amalinks wokungena

Breaking News

Ibandla leZANU PF Liqinisa Amalungiselelo Okhetho


Abafisa ukuncintisa koBulawayo sebetshelwe ukuthi balethe incwadi zabo zama Curriculum Vitae lokunye okudingakalayo emahofisini alelibandla ngoLwesibili.

Ibandla leZANU PF lilokhu liphakathi kokulungiselela ukukhetha abazancintisa kukhetho oluzayo olokudinga amakhansila labameli bendawo ezitshiyeneyo edale lephalamende, ama primary elections, ngesikhathi inkokheli yalelibandla egoqela uMongameli Emmerson Mnangagwa ngokwakhe, isixwayise amalunga alelibandla ukuthi engabangeli ukuxokozela ngalesi isikhathi kubangwa izikhundla.

Isiphathamandla salelibandla, uMnu. David Ndlovu, owakewaba nguMayor wedolobho lakoBulawayo njalo owancintisa kukhetho lokudinga ozamela iNkulumane edale lephalamende kukhetho olwedluleyo, uthi abalesifiso sokuncintisa koBulawayo sebetshelwe ukuthi balethe incwadi zabo zama Curriculum Vitae lokunye emahofisini alelibandla ngoLwesibili.

Uthi kwakulokuqilibezela kukhetho lwama primaries olwedluleyo njalo uthemba ukuthi lonyaka kuzakuba ngcono.

"Ukuxokozelwa akusoze kuswelakale, engani le church lakho kuyaxokozelwa. Ngiyakwazi ukuthi ngaqilwa njani when I won kuma primaries but kwafakwa omunye...kwakusenziwa yi group ye G40, babekwazi ukuthi angisoze ngivumelane labo," kugcizelela uMnu. Ndlovu.

Kwezinye izigaba zelizwe, abatsha babikwa besithi bafuna ithuba lokuncintisa ngobunengi babo, kukanti lababekubutho laba bayazifuna zikhundla.

please wait

No media source currently available

0:00 0:01:57 0:00

Facebook Forum

XS
SM
MD
LG