amalinks wokungena

Breaking News

Sebephelelwe Ngumphako Abadliwe Kukhetho Lwebandla leZanu PF Olwama Primaries


Abakhonona ngendlela ukhetho lwama primaries ebandla leZanu PF olwenziwe ngayo ...

Amalunga ebandla leZanu PF akhe phansi kukhetho lwama primaries esabelweni seMatabeleland South asefike kumlindi uyacine kulandela isinqumo sebandla leli sokuthi kalusoze luphindwe ukhetho lolu.

Abanqotshwe kukhetho ababalisa umphantintambo wezenzakala ezansi yeMaNdebeleni uMnu. Abedinico Ncube, umgcinisihlalo walelibandla kulumhlubulo uMnu. Rabelani Choeni kanye labameli bedale lephalamende, sebetshelwe ngamanzi ngemva kokuba amalunga edale lePolitburo athethe isinqumo izolo sokwamukela impumela yokhetho lwama primaries esabelweni lesi.

Batshengisela emgwaqweni besola indlela okuqhutshwe ngayo ukhetho lwebandla leZanu PF.
Batshengisela emgwaqweni besola indlela okuqhutshwe ngayo ukhetho lwebandla leZanu PF.

Idale lePolitburo lithe ukhetho lwama primaries luzaphindwa ezigabeni ezilitshumi kuphela eMashonaland West, eMashonaland Central ledolobheni leHarare.

Abameli bedale lephalamende abayisitshiyagalolunye banqotshiwe kukhetho lolu njalo abalandeli bebandla leZanu PF bathi babakhiphe ezikhundleni ngoba kungela ntuthuko ekhona kulesisabelo.

Kodwa omunye walabo abanqotshiwe, uMnu. Malach Nkomo, uthi labo abatsho njalo abazi lutho.

UMnu. Obert Mpofu webandla leZanu PF.
UMnu. Obert Mpofu webandla leZanu PF.

OkaNkomo ugcizelele esithi kabophanga sikhwili ngokunqotshwa kwakhe kukhetho. Uthi ingqobe sezisalele laba abanqobileyo ukuthi banqobe kukhetho lwesizwe.

Ekhuluma emhlanganweni wePolitburo izolo, uMongameli Emmerson Mnangagwa, kubikwa ecebise abanqotshiweyo ukuthi bayamkele impumela yokhetho esithi ibandla leZanu PF libandla elilandela intando kazulu.

UMnu. Thabani Moyo, omunye wabalandeli bebandla leZanu PF, uthi liqondile inyathelo elithethwe libandla leli ngoba kuvele kusinwa kudedelwana.

UMongameli Emmerson Mnangagwa
UMongameli Emmerson Mnangagwa

UMnu. Obert Mpofu, obona ngokuqhutshwa kwenhlelo ezitshiyeneyo kubandla leZanu PF, uthi ukhetho lwama primaries kaluqhutshwanga ngemfanelo endaweni ezimbalwa.

Uthi alusoze luphindwe ukhetho lolu eGwanda njengalokhu okufiswa ngabanye abantu.

Inengi labomaqhuzu beZanu PF banqotshiwe kukhetho lwama primaries njalo basele bekhala ezimathonsi besithi baqiliwe.

Udaba Esilethulelwe nguAlbert Ncube
please wait

No media source currently available

0:00 0:03:57 0:00

Facebook Forum

XS
SM
MD
LG