amalinks wokungena

Breaking News

Izisebenzi Zebandla leZanu PF Ezifika 26 Zilegciwane leCOVID-19


Ibandla leZanu PF lithi kulezisebenzi zebandla leli ezingamatshumi amabili lasithupha – 26 esezihlolwe zatholakala zilegciwane leCOVID-19.

UMnu. Patrick Chinamasa, obambe okwamanje isikhundla sesikhulumeli sebandla leZanu PF, uthi kusanda kuhlolwa izisebenzi ezedlula ikhulu lamatshumi amahlanu – 154 kusenzelwa ukulandela iziqondiso zohlelo lokuvimba ukumemetheka komkhuhlane weCOVID-19 ezethulwa yinhlanganiso yamazwe omhlaba wonke jikelele ebona ngezempilakahle eyeWorld Health Organization (WHO).

Esethula umbiko lo eHarare ngoLwesithathu, uChinamasa uthe lokhu besabikela labo abalomkhuhlane lo abakhangelelwe ukuthi bazazivalela ezindlini ukwenzela ukunqabela ukungamemetheka kweCOVID-19.

Uthi labo abaveza ukuba bayagula kumele bayedinga uncedo olufaneleyo ezibhedlela ngokutshetsha.

Kwele Zimbabwe sokulabantu abedlula inkulungwane ezingamatshumi amane asebehlolwe batholakala bele COVID-19. Sokubhubhe abafika phose ikhulu kuthi njalo abedlula inkulungwane sebaphepha emkhuhlaneni lo.

Facebook Forum

XS
SM
MD
LG