Umqondisi obona ngokwethulwa kwemibiko ebandleni leZapu, uMnu Patrick Ndlovu utshele iStudio 7 ukuthi sebehlale phansi njenge bandla bemanyene lemuli yakoDabengwa beqoqa ukuba kube lamabhasi azathwala abantu abazakuya hlangabeza umkhokheli wabo enkundleni yendizamtshina koBulawayo ozalethwa yindizamtshina efika ngabo12 emini ivela eSouth Africa.
“Amabhasi azaba khona eLarge City Hall koBulawayo ngabo 9 ekuseni ukuyakwemukela iqhawe lethu eAirport elethwa ngendizamtshina ezafika ngabo 12 emini”, kutsho uNdlovu.
Uqhubeke ethi lawo mabhasi azathwala umuntu wonke ngoba njengeZapu bakunanzelele ukuthi uDabengwa ube ngasuye wabo bodwa lemuli kodwa ube liqhawe lomuntu wonke wase Zimbabwe.
"Kulabo abangasoze befinyelele kuleBhuku lokuloba amazwi enduduzo kwelesouth Africa, eHarare kanye lakoBulawayo emahofisini aweZapu lasemzini wakhe eFourwinds lapho okubutene khona abantu"
