amalinks wokungena

Breaking News

ZCTU: Abaqhatshi Abaphoqwe Ukubhadala Izisebenzi Iholo Elisukela Kuzingathize


US Dollars

Inhlanganiso yeZCTU ithi uhulumende kumele ethule umthetho ophoqa abaqhatshi ukuthi babhadale izisebenzi iholo elisukela kuzingathize, i-minimum wage, ngoba abaqhatshi abanengi begqilaza izisebenzi.

Unobhala jikelele walinhlanganiso uMnu Japhet Moyo uthi inkundla yeTripartite Negotiating Forum, yona eletha ndawonye uhulumende, izisebenzi labaqhatshi kumele ivumelane ukuhlela izinga lapho iholo lezisebenzi elimele liqale khona.

Amazwe afana leMelika alawo lumthetho. UMnu Moyo uthi ukungabikhona kwabo eZimbabwe yikho okwenza abaqhatshi bahlawule izisebenzi ingcosana.

“Kumele kufakwe i-minimum wage ezakwenza ukuthi abazali benelise ukubhadalela abantwababo esikolo,” uMoyo utshele umsakazo weStudio 7.

Wengeze wathi inkulumo lezi ziqakathekile ukuze kuqedwe ukukhonona kwezisebenzi ezigoqela ababalisi asebelesikhathi bekhala ngeholo eliphansi.

“Bayehluleka ukuthi balungiselele abantwana ngoba iholo labo liphansi. Ngakho sifisa ukuthi loludaba luphathwe yiTripartite Negotiating Forum.”

Kodwa isikhulumeli senhlanganiso yabaqhatshi eyeEmcoz uMnu Israel Murefu uthe kungahlelwa i-minimum wage, umnotho wona ovele usadalala uzahle uguqe ngamadolo ngoba akulankampani ezakwenelisa lokho.

Uthe okudingakalayo yikuthi inhlanganiso zezisebenzi zixoxisane labaqhatshi kuvunyelwane ngengatsha ngengatsha.

Amazwi akhe agcizelelwe ngusomabhizimusi wakoBulawayo uMnu Abednico Bhebhe.

“Kuba nzima ukuthi ukhulume nge-minimum wage endaweni evele engamanga kuhle ngoba sikhuluma kunje, kulabaqhatshi abayi 5 percent kuphela. Yebo kungaba yisifiso sezisebenzi kodwa kumele sikukhangele ngelihlo elibanzi,” kutsho uMnu Bhebhe.

Wengeze wathi: “Nxa sifuna ukulondoloza i-5 percent yamankampani lawo aseleyo, asingakhulumi nge-minimum wage. Izisebenzi azikhulume labaqhatshi mhlawumbe zidinga ama-allowances azakwenza impilo zapo zibe ngcono”

Ingcwethi kwezombusazwe zona zithini?

“I do appreciate ukuthi kumele kube le-standard, kodwa instead of a minimum wage, abakhulumisane bavumelane ngama-sectors ukuthi ngehola ngehola izisebenzi kumele zihole malini”

Umphathintambo obona ngendaba zezisebenzi uMnu Paul Mavhima utshele iStudio 7 ukuthi ufuna inkulumo zeTripartite Negotiating Forum siqale inyanga le ingakapheli.

please wait

No media source currently available

0:00 0:05:14 0:00

Facebook Forum

XS
SM
MD
LG