amalinks wokungena

Breaking News

ZCTU: Uhulumende Kumele Ajezise Osomabhizimusi Abahuquluza Uzulu


Two elderly women shop for mealie meal and other basic commodities, March 14 2019, in the Mutoko rural area of Zimbabwe. Eastern Zimbabwe receives help to fight drought induced hunger.

Inhlanganiso emela izisebenzi, iZCTU, ithi uhulumende kumele athathe amanyalo aqinileyo awokujezisa osomabhizimusi bona ethi bahuquluza uzulu.

Ithi amabhizimusi amanengi ala ukulandela isiqondiso sikahulumende esokuthi aveze intengo ngedola leMelika leleZimbabwe.

Ithi njalo amanye amabhizimusi athengisela uzulu ngemali edlula khatshana isilinganiso sedola lakuleli nxa liqathaniswa leleMelika emkambo osemthethweni.

Inengi libikwa lisebenzisa isilinganiso somkambo wensitha.

Unobhala jikelele weZCTU uMnu Japhet Moyo utshele iStudio 7 ukuthi lobu yibuhwaba lobusela obusegcekeni obumele bumiswe nguhulumende.

please wait

No media source currently available

0:00 0:02:20 0:00

Ukukhonona kweZCTU lokhu kuza ngesikhathi idola lakuleli selidlulise inyaka likhanya lizinzile nxa liqathaniswa leleMelika.

Umbiko owethulwe libhanga elikhulu izolo uthi idola leMelika elilodwa lilingana lamadola eZimbabwe angamatshumi ayisitshiyangalombili lanye, 1:81.

Sokulamaviki mpela idolale Zimbabwe lidlalela kulelozinga. Kodwa emkambo wensitha idola leMelika elilodwa lilingana lamadola akuleli aphezu kwekhulu.

Ingcwethi kwezenotho uMnu Reggie Shoko utshele iStudio 7 khona kusazobonakala ukuthi idola leZimbabwe lizaqhubeka lizinzile okwesikhathi esinganani.

please wait

No media source currently available

0:00 0:02:09 0:00

Facebook Forum

XS
SM
MD
LG