amalinks wokungena

Breaking News

Uhulumende Usungula Uhlelo Lokwakhiwa Kwama Pre-paid Meters EHarare


mangoma
Uhulumende uthi uyaqinisa imizamo yakhe yokuthi abantu elizweni bathole amagetsi eneleyo ngokwengezelela amandla kagetsi azaphuma ezitishini ezigoqela esiseHarare, Munyati, Bulawayo, kanye le Kariba Power Station.

Lokhu kuvezwe nguMnu. Elton Mangoma umphathintambo obona ngezomlilo kagetsi evula uhlelo lokwakhiwa kwa ma pre-paid meters ngokusemthethweni emizini yeKuwazana le Highfield eHarare ngolweSibili.

UMangoma ungezelele wathi kukhangelelwe ukuthi uhlelo lolu luphutshiswe kunyanga ezilitshumi ezizayo lapho izindlu ezizinkulungwane ezingamakhululu ayisithupha-600 000 eziyabe sezilama pre-paid meters la.

Kusenjalo, izakhamizi ezigabeni zelizwe ezitshiyeneyo zithi zihlutshwa yikuswelakala kwamanzi lamagetsi, okubangela ukuthi impilo ibe lukhuni.

UMnu. Ndumiso Moyo, umlaleli we Studio 7 ohlala eLupane Growth Point uthi amagetsi angavela acitshwe amanzi lawo ahle aswelakale.

Omunye njalo umlaleli weStudio 7 ohlala e Fort Rixon laye uthi amagetsi kanye lamanzi awatholakali esigabeni sakhe.
XS
SM
MD
LG