amalinks wokungena

Breaking News

'Kumele Kudingwe Umqondisi weZEC Ngokutshetsha Ozaqhuba Ngemfanelo Ukhetho Oluzayo'


FILE: Okwenzakala ngomnyaka ka2013.

Inhlanganiso ekhuthaza ukuqhutshwa kokhetho ngendlela eqondileyo, eye Zimbabwe Election Support Network (ZESN) ithi ikhomishini kahulumende ebona ngezokhetho eye Zimbabwe Electoral Commission (ZEC) kumele idinge ngesiphangiphangi umqondisi wezokhetho uChief Elections Officer ukuze athole ithuba lokulungiselela ukhetho oluzakwenziwa lonyaka.

Inhlanganiso yeZESN ithi isikhundla lesi siqhakatheke kakhulu ngakho-ke kasimelanga sibe ngesingela muntu kuze kube manje lona ukhetho solusondele kangaka.

Ingcwethi ehlaziya ngezenhlalakahle kazulu, uMnu. Sineke Sibanda, uthi ukhetho lwalonyaka luqakatheke kakhulu kuzulu wakuleli njalo ikomishini yeZEC kumele ibone ukuqakatheka kwalo ngokubeka umuntu esikhundleni lesi ngokuphangisa.

Omunye njalo ohlaziya ngezombusazwe, uMnu Discent Bajila, uthi ukuba khona kuka Chief Elections Officer kuzanceda inhlanganiso ezizimeleyo labamabandla ezombusazwe azaphatheka kulolukhetho ukuze bakhe ubudlelwano laye njalo kungaze kwabakhona lozakhala ngokuqilwa.

Omunye njalo ohlaziya ngezo mbusazwe, uMnu Pascal Madiri, usole kakhulu ukuba madolo nzima kweZEC esithi kutshengisa ukungazinikeli kukahulumende ukuqhuba ukhetho olulohlonzi

IZESN yinhlanganiso yokulondolozwa kwamalungelo kazulu, igxile ekukhuthazeni lokuhlolisisa ukuqhutshwa kuhle kokhetho olukhululekileyo njalo olulohlonzi lwaphezulu. Linkuthazo yokubekwa kukandunankulu wokhetho ivele ngemva kokuba okade ekulesi sikhundla seethe kenelisi.

UMongameli Emmerson Mnangagwa uthembise ukuba ukhetho lwalonyaka luzaba ngolukhululekileyo njalo luzahlolwa ngabavela emazweni wonke okwehlukane lalokho okwenzakala minyaka yonke.

Udaba Esilethulelwe NguGibson Bhebhe
please wait

No media source currently available

0:00 0:03:32 0:00

Facebook Forum

XS
SM
MD
LG