amalinks wokungena

Breaking News

Zikhala Ezimathonsi Izakhamizi Ngokukhuphuka Kwemali Ebhadalwa Ezikolo


Abantwana abasesikolo

UMnu. Gabriel Moyo oyisakhamuzi seMawane eGwanda South uthi imali yepension ayitholayo ayithengi ezitolo zemaphandleni ezisebenzisa ayakwamanye amazwe, okuludubo olukhulu kuye.

Izakhamizi zemaphandleni zithi ukubhidlika komnotho welizwe kanye lokuvulwa kwezikolo sekulethe udubo oluphindwe kabili kunengi lazo elivele lingenelisi ukuziphilisa ngemali eliyitholayo.

Izikolo zikhuphule imbadalo kulithemu ngoba izakuba nde kulamanye osekutshiye inengi likhala ezimathonsi.

UMnu. Lovemore Ncube oweMatobo uthi njengabazali badidekile ngemali efunakala ezikolo.

UMnu. Gabriel Moyo oyisakhamuzi seMawane eGwanda South uthi imali yepension ayitholayo ayithengi ezitolo zemaphandleni ezisebenzisa ayakwamanye amazwe, okuludubo olukhulu kuye.

UMnu. Vusa Nkala oweGungwe eGwanda South yena ophila ngokubhoda ethengisa uthi ukuyekethiswa kweziqondiso zeCOVID 19 kuzavuselela ibhizimusi yakhe ebisitshabalala ngenxa yeziqondiso ze lockdown.

UNkosikazi Thando Mauba oweMatanamombe eGwanda South ongumbalisi emaphandleni uthi kungenani lokuthi uyasebenza, uyehluleka ukuthi aziphilise njalo anakekele abantwabakhe ngeholo alamukelayo.

Inhlanganiso zababalisi zithi inengi lababalisi lilokhe lingakabuyeli ezikolo ngenxa yodubo lwemali.

UMnu. Tapedza Zhou ongunobhala jikelele wenhlanganiso yababalisi eyeEducators Union of Zimbabwe uthi ingxenye yababalisi kayikafiki ezikolo.

Amazwi la asekelwe nguMnu. Urgent Moyo owenhlanganiso yababalisi eyeProgressive Teacher’s Union of Zimbabwe othi uhulumende kumele ahlale phansi akhulumisane lababalisi hatshi ukuthi abenze inhlekisa.

Kusenjalo, uhlangothi olubona ngemihloliso ezikolo olwe Zimbabwe School Examinations Council lukhuthaza abafundi abehluleka ukubhalisa imihloliso yalonyaka ukuthi loluhlelo seluvuliwe njalo sebengazobhalisa kusiyafika ekupheleni kwalinyanga.

please wait
Embed

No media source currently available

0:00 0:03:47 0:00


Facebook Forum

XS
SM
MD
LG