amalinks wokungena

Breaking News

EleSouth Africa Liphikisa Okuphanyekwe Emthethwandaba Ngabadabuka eZimbabwe Abafuna Ukuphiwa Ubuzwe Obugcweleyo


South Africa Immigrants

Umsekeli kamphathintambo wogatsha lwendaba zasekhaya kwele South Africa, uMnu. Njabulo Nzuza, uthi lolugatsha seluphanyeke amaphepha emthethwandaba luphikisa isicelo sezinye izizalwane zeZimbabwe ezilama Special Permits ezifuna ukuphiwa ubuzwe obugcweleyo - amapermanet residency permits.

UNzuza utshele umsakazo weKhozi FM ukuthi ugatsha lwakhe luyaphikisana lezizatho zonke eziphiwe umthethwandaba yilabo abathi kufanele baphiwe ubuzwe bakwele South Africa.

“Ukuze uthole ubuzwe baseSouth Africa kufuna ubu aplayele sikwazi ukubuka le-case yakho sikwazike ukuthi uyabukwalifayela ubuzwe njengomuntu one by one, okutsho ukuthi case by case. Into ye-permanent residency akusiyona into ovele ufake iblanket approach yokuthi wonke umuntu noma abantu laba bayakwalifaya babuthole. Ubukwa ngomuntu ngomuntu.”

Ngenyanga ephelileyo kulezinye izizalwane zeZimbabwe eziye emthethwandaba weHigh Court ziwucela ukuthi ubambe ngamandla uhulumende wakwele South Africa ukuthi anikeze ubuzwe obugcweleyo loba amapermanet residency permits kubo bonke abaphiwa amaZimbabwean Special Permits ngo2010. AbeZimbabwe laba bathi kufanele baphiwe imvumo yokuhlala kwele South Africa kokuphela njengoba sebeleminyaka elitshumi bephethe amapermit la.

Isizalwane seZimbabwe, uMnu. Mlungisi Tshabalalala, uthi vele bekungalunganga ukuthi kube labahambisa uhulumende emthethwandaba ngaloludaba.

“Into eyenziwa ngulowo owahamba esithi uyemela abantu engazange wa-consultor even umuntu oyi-one wazenzela okusekhanda lakhe, waphambanisa kakhulu. Kwakumele ukuthi bona belinde iSouth Africa ize ikhiphe isinqumo sokuthi iyenzanjani ngala amapermit aphelayo ekupheleni kwalonyaka. So, mina igovernment yaseSouth Africa ngiyabonga ukuthi isasinikezile ithuba lokuthi icabinet izakhuluma ngaloludaba. Asilindeni sizwe igovernment izathini ngoba la amapermit luzwelo lwayo igovernment yaseSouth Africa.”

Amapermit ohlobo lweZSP angundaba lomnyeni kakhulu njengoba ezaphelelwa yisikhathi mhlaka 31 Mpalakazi kodwa kuze kube manje uhulumende akakaphawuli ukuthi azavuselelwa kumbe azakwesulwa. Inkulumo kamphathintambo Nzuza ibisibangele ukuxokozela ebulenjini be-internet kulabo abangayizwisisanga sebesithi kuthiwa uhulumende usebhalele emthethwandaba ephikisana lokwengezwa kwesikhathi samapermit ohlobo lweZSP.

Kodwa uNzuza uthi isinqumo asikathathwa ngaloludaba.

“Siyazike ukuthi uHome Affairs ikhona isubmission ayisile ku-cabinet but isinqumo asikathathwa ngodaba lokuthi azo extendwa loba kuzakwenzakalani. UHome Affairs unalo umbono wokuthi ayikho into loba ipermit okumele ikukwalifaye ukuthi uthole enye ipermit.”

Sekulamaqula ambalwa kwele South Africa akhankasela ukuthi amapermit la angavuselelwa ngoba besithi abeZimbabwe abalamapermit la bathethe imisebenzi yezizalwane zakwele South Africa.

Facebook Forum

XS
SM
MD
LG