amalinks wokungena

Breaking News

Zithabe Zimanzi Te Izakhamizi Ngokwenziwe NguMugabe Otshaye Phansi Ngenkamanzi


Izizalwane zeZimbabwe ezitshengisele ezitaladini zithabele okwenziwe nguMugabe.

Izakhamizi zeNtepe enhla yeGwanda zithi lazo zijabule okumangalisayo njengomuntu wonke elizweni kulandela inyathelo lobe ngumongameli welizwe uRobert Gabriel Mugabe lokutshiya intambo zombuso ngoLwesibili.

Inengi lezakhamizi zalumango ziveze ithemba lelakusasa elihle lisithi besekudingakala ukuthi uMugabe aphumule.

UMnumzana Joseph Mazondo, isakhamuzi seMawane, uthi impilo ibisinzima phansi kombuso kaMugabe njalo ujabulile lapho esizwa ukuthi usetshiya isihlalo sombuso.

UMnumzana Gabriel Moyo usekelane lombono lo esithi kumthokozise kakhulu ukubona uMugabe etshiya umbuso ngemva kokukhokhela ilizwe okweminyaka efika phose engamatshumi amane – 37 - selokhu iZimbabwe yathola uzibuse ngomnyaka ka1980.

UMoyo uthi osekudingakala ngumuntu ozabisela iZimbabwe kusimo ebikiso kusanda kuthatha uzibuse.

UMnumzana Emmerson Dambudzo Mnangagwa ukhangelelwe ukugcotshwa ukuba ngumongameli welizwe ngoLwesihlanu kodwa ayisibo bonke abafuna ukuthi athathe lesisikhundla ngoba besithi izandla zakhe zigcwele igazi.

UNkosazana Jeniffer Ncube, oyisakhamuzi seMawane, ngomunye wabanengi abathi ngeke afa bamxolela uMnangagwa loba sekutheni ngodaba lweGukurahundi.

Kungenani lokuthi inengi liphakathi kokujabulela inyathelo elithethwe nguMugabe abanye lokhu bengazi okuqhubekayo elizweni.

UNkosazana Nozithelo Ndlovu loNkosazana Nesisa Zulu bathe abazi lutho ngokwenzakala elizweni njengoba bengelamisakazo lapho abalalela khona indaba.

Inengi lithi uMugabe seyinganekwane njalo kuyadingeka ukuthi inkokheli entsha yeZimbabwe iphuthuma iqala umsebenzi ukuze uzulu abeleKhisimusi elihle hatshi ukuthi ayidlalele emabhanga elinde imali.

please wait

No media source currently available

0:00 0:02:52 0:00

Facebook Forum

XS
SM
MD
LG