amalinks wokungena

Breaking News

EleZimbabwe Lithi Lizazilela Imfa kaKenneth Kaunda Okwensuku Ezinathu


Umuyi uKenneth Kaunda

Ilizwe leZimbabwe lithi kuzakuba lensuku ezintathu zokukhalela ilizwe leZambia lomdeni kamuyi uKenneth Kaunda, owayengumongameli wakwele Zambia. Uzulu uthi uKaunda wasebenza kakhulu ukuze kube lenkululeko kwele Zimbabwe.

Uhulumende weZimbabwe uthi ilizwe lizakwehlisa amaflegi okwensuku ezintathu kusenzelwa ukuhlonipha imisebenzi kamuyi uKaunda, owabusa ilizwe leZambia kusukela ngomnyaka ka1961 kusiya umnyaka ka1991.

Abantu bathi kuhle kakhulu okwenziwe nguhulumende ngoba uKaunda wasebenza kakhulu ukuze ilizwe leZimbabwe libe lozibuse. Wavumela amabandla agoqela eleZapu, eleAfrican National Congress, South West African People’s Organization lamanye ukuba asebenzise ilizwe lakhe ngesikhathi abansundu belwisana labamhophe eZimbabwe, South Africa leNamibia. Abalwa impi yenkululeko bathi bayakuthakazelela kakhulu okwenziwa nguKaunda.

Okhokhela inhlanganiso yeZIPRA Veterans’ Association, uMnu. Petros Sibanda, uthi eleZimbabwe kumele lihloniphe imisebenzi kamuyi.

“Silusizi ngemfa kababa uKaunda, thina njengama ZPRA siyazi ukuthi uKaunda waba ngumngane weZAPU, ubungane bakhe benza ukuba iZAPU ibe yiyo eyayisilwa impi okumangalisayo ingela kuphazamiseka.”

UMnu. Iphithule Maphosa, okubandla leZapu, uthi uKaunda wanceda amazwe amanengi kuba abelozibuse.

“Namhlanje silokudana okukhulu njengama Africans, ngokubhubha kuka baba u Kaunda kwele Zambia. Sinanzelela ukuba wazinekela kakhulu emzameni yokudinga inkululeko yamanye amazwe ase Soutrhern Africa. Wavula ama sango awe Zambia enikeza usizo kuma liberation movements.”

Amazwe abalisa eleBotswana lele Namibia asebeke amalanga angamatshumi amabili lanye awesililo sika Kaunda kuthi eleSouth Africa selazise ukuba lizamhlonipha ngezinye indlela. UMnu. Abednico Bhebhe, owalwa impi yenkululeko, uncoma kakhulu imisebenzi kaKaunda.

UMnu. Saul Danny Sibanda laye uthi uKaunda wasebenza kakhulu ukuze eleZimbabwe lithole uzibuse.

“UKaunda wayeyindoda emadodeni, ngesikhathi se ZIPA kwakuyisikhathi sokuba wonke umuntu atshaye isilogani se ZANU. ONyerere bathi eZmabi kungaslwela impi, kuyindlela yokubulala iZAPU. Wavuselela uKaundu.”

UNkosikazi Priscilla Ndlovu, owahlala kakhulu enkambeni zeziphepheli eZambia ngesikhathi sempi yenkululeko eZimbabwe, uthi uzwa ubuhlungu ngokubhubha kuka Kaunda.

Akwaziwa ukuba uKaunda uzangcwatshwa nini njalo ukuthi ubulewe yini.

EleZimbabwe Likhalela eleZambia Lomdeni Kamuyi uKenneth Kaunda
please wait

No media source currently available

0:00 0:05:41 0:00


Facebook Forum

XS
SM
MD
LG