amalinks wokungena

Breaking News

Abantu eZimbabwe Bathi Akulalutho Oluzaguquka Ngomnyaka ka2020


Abantu abanengi bathi bababoni ukuthi umnyaka omutsha ubaphatheleni ngoba behluleka ukufeza izinqumo abazenza lonyaka.

Bathi bekunzima okumangalisayo lonyaka ngenxa yokugugudeka komnotho, ukuswelakala kwemali lamafutha ezimota, ukukhahlanyezwa kwelungelo likazulu lokunye okunenginengi elizweni leZimbabwe.

Osakhulayo, uMnu. Nqgabutho Ndlovu, uthi kaboni isimo somnotho lezombangazwe kuguquka ngomnyaka ka2020.

Uthi wayelezinqumo ezimbalwa ehluleke ukuzifeza lonyaka.

UNkosikazi Linda Dlodlo, isakhamuzi sakoBulawayo, uthi umnyaka ozayo bawufaka ezandleni zikaNkulunkulu ngoba bebhekane lobunzima obukhulu ikakhulu kumumo wezomnotho.

“Umnyaka ozayo obuyayo sikhangelele ukuthi uNkulunkulu asikwanisele ngoba ama resolutions siyayenza but kunzima ukuthi siwagcwalise. So, sesikhangelele ukuthi uNkulunkulu engasigcina asenzele yena, asikwanisele yena. Yikho okungaba ngcono ukuthi sikwanise ezinye izinto, ngoba ngaze siwenze asikwanisi ukuthi siwagcwalise ngamandla ethu. Mina kimi kumnyaka lo, kolokukodwa okwenzakeleyo. So, ngikhangelele ukuthi kumnyaka lowu kwenzakale okunengi.”

Omunye njalo osakhulayo, uNkosenhle Hadebe, uthi bafisa impilo enhle lokuthi ubunzima bempilo bube nganeno.

Udaba Esilethulelwe NguBathabile Masuku
please wait

No media source currently available

0:00 0:03:58 0:00

Abantu abahlala eHarare labo bafisa ukuthi kuguquke ezomnotho lezombangazwe eZimbabwe ngomnyaka ka2020.

UMfundisi Kenneth Mtata, unobhela wenhlanganiso yomanyano wamabandla okholo lwesiKhristu eyeZimbabwe Council, uthi bekungelula kumuntu wonke weZimbabwe lonyaka.

“Indlela ezokwenza ukuthi inotho yelizwe iphumele phambili izodinga ukuthi ama Zimbabweans wonke afake amakhanda ndawonye avumelane ukuthi i economy esiyifunayo sonke yi economy enjani.”

Osakhulayo uMcebisi Ngwenya ukhuthaza uMongameli Emmerson Mnangagwa ukuba adinge abacebisi abakhaliphileyo hatshi labo abamtshelela eceleni njangalokho okwakusenziwa ngesikhathi sombuso kamuyi uRobert Mugabe.

Udaba Esilethulelwe NguMavis Gama
please wait

No media source currently available

0:00 0:06:18 0:00


XS
SM
MD
LG