amalinks wokungena

Breaking News

Abaphila Lobugoga Bathi Ikhansili yeGwanda Kumele Ibenzele Inhlelo Ezibalulekileyo Lonyaka


Abaphila lobugoga benza umhlangano eGwanda esabelweni seMatabeleland South.
Abaphila lobugoga benza umhlangano eGwanda esabelweni seMatabeleland South.

Abaphila lobugoga edolobheni leGwanda sebekhuthaze umanisipala ukuthi akhumbule amalungelo abo lapho kuhlelwa uluhlu lwendleko kamanisiphala waleli dolobho, iBudget yomanyaka ozayo ka 2019.

Abangene umhlangano oqhutshelwe emahofisini kamanisipala bakhale ngokuthi ezinye izakhiwo ezisetshenziswa nguzulu kazilungelanga ukusetshenziswa ngabaphila lobugoga kungakho umanisipala kumele afake imali eceleni ukuze lezi zakhiwo zilungisiswe zingele ukusetshenziswa yiloba ngubani.

Benza umhlangano wabaphila lobugoga.
Benza umhlangano wabaphila lobugoga.

UMnu. Peter Zulu, omunye walabo abangene lumhlangano, uthe, “Kumele kube lezindlu lamatoilet kuzozonke indawo awabantu abahamba ngamawheel chair labantu abagogekileyo. Kwesinye isikhathi asinanzwa ekuqhatshweni lapha kumele lathi siqhatshwe yikho ubona abantu abagogekileyo abanengi becina besehluleka ukubhadala ngokuswela umsebenzi yikho imali kumele ibe phansi kubudget yonaleyi, sithole amastands sithole izindlu.”

Amazwi akhe agcizelelwe nguNkosazana Gladys Mpofu othe, “Besicela kuvuselelwe iJahunda Hall ezangena logogekileyo angene lewheel chair. Khathesi leyi uyathi uyangena ilama steps uzaba yisigoga katwo sewile ayiyenzi.”

UNkosazana Sithembile Ndlovu uthu umanisipala kumele afake imali eceleni yokukhipha impompi ezindala ezihambisa ingcekeza efaka ezintsha, ngoba sezigugile njalo zihlezi zidubuka.

Abanye abantu abakade besemhlanganweni eGwanda ngoLwesithathu.
Abanye abantu abakade besemhlanganweni eGwanda ngoLwesithathu.

UNkosazana Getrude Nyathi, olomntwana ophila lobugoga, uthi umanisipala kumele ayakhe kutsha izindlu zelokitshini elidala leGwanda ngoba zilakho ukudilika iloba nini ngenxa yezulu.

“Izitina zisala zingaphandle so ziyabe zikhumuzeka so sekugubhekile , njengeyami nganxanye ngapha isemoyeni siyingozi esengiyikhangele ukuthi mina ngilomntwana odisabled so uyathanda ukuba elokhu ehlezi khonaphana ngimnika amagabha akhe abepheka so sengisesaba ukuthi anytime iyakwanisa ukumuwela kube ngeyinye ingozi futhi.”

UNkosazana Sabi Tembo ukhuthaze umanisipala ukuthi asungule inhlelo ezizathuthukisa impilo zalabo abaphila lobugoga kulelidolobho.

UManisipala wedolobho leGwanda kuliviki usungule uhlelo lokuhlangana lezakhamizi ukuze azwe lokhu izakhamizi ezifuna zikwenzelwe ngukhansili amkhethayo ngomnyaka ozayo.

Udaba Esilethulelwe NguAlbert Ncube
please wait

No media source currently available

0:00 0:03:26 0:00

XS
SM
MD
LG