amalinks wokungena

Breaking News

Abasakhulayo Bakhala Ngokungatholi Imali Yenhlelo Zikahulumende


National Youth Development Trust

Abasakhulayo eZimbabwe bathi akubunjwe inhlanganiso ezizimele zodwa ezabelweni eziyabe zikhangelane lenhlelo zikahulumende ezithuthukisa ilizwe.

Bathi lokhu kulakho ukuphathisa ekuthini izimali zenhlelo eziqondiswa kwabasakhulayo itholwe ngabanengi endaweni zonke zelizwe.

Okwamanje bathi imali le itholwa yilabo abadlelana lebandla elibusayo. Lokhu kuphume emhlanganweni omkhulu we Ideas Festival koBulawayo obuthanise abenhlanganiso ezedlula amatshumi ayisithupha - 60 ezihluza okutshiyeneyo okuselizweni, besithi kukhanya inengi labo kaliyitholi imali yohlelo lwe National Youth Fund.

Izigidi ezilitshumi zamadollar - $10 million, yabekwa eceleni ukuthi iphathise enhlelweni zabasakhulayo okukhanya bengatholi imisebenzi njengoba amankampani amanengi evalwa eZimbabwe.

Baphinde njalo bathi zinengi inhlelo zikahulumende ezingafinyelelwa nguzulu ngoba zingavezelwa abantu makhaza.

Kasenelisanga ukuxoxa ngodaba lolu lomphathintambo wezabasakhulayo, uMnu. Francis Nhema.

Kodwa sixoxe lomunye wabasakhulayo, uMnu. Michael Ndiweni, wenhlanganiso ye Youth Network for Alternative Development, iStudio 7 ukuthi baphinde njalo bakhuluma langohlelo lweZimbabwe Agenda for Social and Economic Transformation – ZIMASSET.

XS
SM
MD
LG