amalinks wokungena

Breaking News

Sokuvunyelwa Ukubulala Izilwane Lezinye Inyamazana eZimbabwe


Isizalwane seMelika uMnu. Walter Palmer wabulala isilwane lesi ngoNtulikazi esazisaziwa ngokuthi nguCecil.

Inhlanganiso yabazingeli eyeZimbabwe Professional Hunters and Guides Association, ithi sebevunyelwa ukuzingela izilwane, ingwe lendlovu kulandela ukufakwa kwemigoqo yokuthi kungenziwa lokhu kulandela ukubulawa kwesilwane ekade silodumo esibizwa ngokuthi nguCecil.

Inhlanganiso le yethule lokhu ebulenjini beInternet kuwebsite yayo lapho eveze ukuthi sokuzamele kubelabamele uhulumende nxa kubulawa inyamazana lezi. Ithi umlayezelo ewuthole kuhulumende uphinde wethula ukuthi akusamelanga kubulawe inyamazana ezifakwe amabhanti entanyeni ezinjengo Cecil.

Abazingeli abazephula iziqondiso lezi kabasoze bavunyelwe ukuthi basebenze eZimbabwe. Kasenelisanga ukuxoxa leziphathamandla zikahulumende ngodaba lolu.

Kube lokubabaza okumangalisayo kulandela ukubulawa kukaCecil eHwange yisizalwane seMelika, uMnu. Walter Palmer.

Ababona ngokuvikela inyamazana zasendle abe Big Cat Rescue beseMelika bathi kuyamangalisa lokhu osokusenziwa yiZimbabwe njalo sokuzabanzima ukulwela inyamazana zasendle.

Sixoxe ngololudaba loMnu. Dumisani Sibanda ongumzingeli eHwange otshele uGibbs Dube weStudio 7 ukuthi abazingela isilwane uCecil babathezela olulenkume.

XS
SM
MD
LG