amalinks wokungena

Breaking News

Abesifazana Bathwele Amagabha Avuzayo Kumabandla Ezombusazwe


UNkosikazi Joice Mujuru, uNkosazana Thokozani Khupe loNkosikazi Lucia Matibenga.

Abesifazana abakhangelele ukuncintisa kukhetho lwelizwe lonyaka lokudinga amalunga edale lephalamende lawamakhansili, bakhala ngobandlululo lobudlwangudlwangu obuphakathi kwamabandla ezombusazwe angaphansi komanyano weMDC Alliance.

Lokhu kuvezwa lukhetho lwama primaries lwamabandla atshiyeneyo lapho okuphuma mgceke ukuthi bayabandlululwa abesifazana.

Abesifazana abafisa ukuncintisa ekhethweni bakhala njalo ngokuhlukunyezwa bebanjwa ngamandla ukuthi baye kuma primaries laloba kuyabe kungumama oyedwa oyabe emele ibandla phakathi kwabobaba abalitshumi.

Bathi lokhu kuphambana lesisekelo sombuso welizwe kanye lesamabandla.

UNkosikazi Sichelesile Mahlangu, owebandla lePeople’s Democratic Party ekhokhelwa nguMnu. Tendai Biti engaphansi komanyano oweMDC Alliance, uthi kwenziwe isinqumo libandla lakhe ukuthi kube nguye omela ibandla lePDP phansi kwlumanyano ePumula, kodwa lokhe ebhekane lobunzima.

“Kucine sokusenziwa ideclaration kodwa laloba kunjalo lokhe kulobunzima. Phakathi kwabobaba abalitshumi behlulekile ukuthi benze ideclaration. Ngibona engani omama bathandwa nxa besetshenziswa kumbe kulobudlwangudlwangu. Kulabobaba ababili abakoBulawayo abalwa bezama ukuvimba.”

UNkosikazi Mahlangu nguye yedwa owesifazana webandla lePDP phakathi kwabobaba abalitshumi kodwa ubelokhe ebanjwa ngamandla ukuthi aqale ancintise kukhetho lwama primaries.

Umgcinisihlalo wePDP, uNkosikazi Eveline Muvungu Masaiti, uthi uNkosikazi Mahlangu nguye okumele ancintise ukuthola isihlalo sePumula Constituency emmele ibandla ngoba nguye yedwa oveze isifiso lesibindi sokwenza lokho.

“Ngithi khona uSichelesile Mahlangu kufanele aphiwe ukuthi ancintise ePumula emele umanyano weMDC Alliance ngoba nguye yedwa umama owafaka iCV yokuthi ufuna ukuncintisa. Uhlupho lolu sibona luhlangana labo mama elizweni lonke.”

Omunye njalo owesifazana, okhangelele ukuncintisa eBubi phansi kwecele le MDC T elikhokhelwa nguMnu. Nelson Chamisa, uthi laye ubhekane lobunzima.

“Lami nginje ngikhonapha eBubi kubelokwethuselwa okukhona, ngingathi nje indaba ze election violence, ngikhangelele ukuthi kube lama Primaries kusasa. Kodwa amaprimary lawa alama restrictions ngoba kukhangelelwe kuphela ukuthi kuvote amachairperson amaward kade le executive.”

Umongameli Emmerson Mnangagwa uthembise ukuthi uzakwethula usuku okuzakwenziwa ngalo ukhetho emavikini amabili njalo okwamanje sekusele iviki eyodwa. Amabandla ezombusazwe alokhe engakaqedi ukwethula abazabamela.

Udaba Esilethulelwe NguGibson Bhebhe
please wait

No media source currently available

0:00 0:03:41 0:00

Facebook Forum

XS
SM
MD
LG