Amanye aMaShona, adabuka eZimbabwe ahlala kwele Kenya kusukela ngomnyaka ka1930, sebenikwe amaphepha abenza babe yizizalwane zakulelo lizwe.
UMongameli Uhuru Kenyatta wethule lokhu izolo eNyayo National Stadium kunanzwa usuku lukazibuse.
UMnu. Oliver Muregerera, omunye wabakhokhela abantu laba inengi labo abayakhele eKinoo duzane leNairobi, uthi bedlula inkulungwane lengxenye – 1,670 abathole imvumo yokuthi sebengabantu bakwele Kenya.
UMuregerera uthi kulabantu abedlula inkulungwane ezine abadabuka eZimbabwe abafika kudale eKenya kodwa akade bengakatholi amaphepha abenza babe yingxenye yelizwe.
Uthi bazakhulumisana lohulumende ukwenzela ukuthi abanye babo bathola amaphepha la azabenza bavule amabhizimusi lokunye njalo bethekelele kwele Zimbabwe santando.