amalinks wokungena

Breaking News

Abongi Bakhalala Umsebenzi eZimbabwe


Izisebenzi zincedisa izigulane esibhedlela seGwanda.
Izisebenzi zincedisa izigulane esibhedlela seGwanda.

Abongi bakhalale umsebenzi elizweni lonke jikelele ngoMvulo njalo bayala ukwamukela izithembiso zikahulumende abazivezelwe nguhulumende ngeSonto.

Kuvalwe ngci emnyango weOut Patient Department eMpilo Hospital.
Kuvalwe ngci emnyango weOut Patient Department eMpilo Hospital.

Esibhedlela seMpilo koBulawayo indawo ezifana lesigaba sezigulane ezelatshwa zibuyela emakhaya ese Outpatient besivaliwe ngoba abongi bebengekho njalo bekufakwe iphetshana elazisa uzulu ukuthi kuzabe kuselatshwa abantu abagula kakhulu.

Abantu abagula bevela ezindlini bebebonakala bedangele ngemva kokuswela usizo esigabeni lesi.

Udokotela omkhulu weMpilo, uMnu. Solwayo Ngwenya, uthe abongi bavuke bekhalale umsebenzi besithi bafuna ukwengezelelwa iholo.

NgeSonto abongi, abe Health Services Board, umphathintambo wezempilakahle, ugatsha lwezemali labanye bahlangene behluza udaba lwabongi lolu.

Udaba Esilethulelwe NguBathabile Masuku
please wait

No media source currently available

0:00 0:02:47 0:00

Emhlanganweni lo bathenjiswe ukwengezelelwa iholo kodwa unobhala jikelele wenhlanganiso yabongi eye Zimbabwe Nurses Association (ZINA), uMnu. Enock Dongo, uthe abasoze bavuma ukuhlala beqilwa nguhulumende ohlalethembisa angakufeziyo.

Omunye wabongi abasebenzayo esibhedlela seGwanda ngesikhathi abanye bakhe bekhalala umsebenzi.
Omunye wabongi abasebenzayo esibhedlela seGwanda ngesikhathi abanye bakhe bekhalala umsebenzi.

Uthe njalo izithembiso abaziphiwe ngeSonto yizinto ezindala kakhulu okwakumele baziphiwe kodwa abaziphiwanga.

Esinye sezigulane esixoxe leStudio 7 eMpilo, uNkosikazi Nokubonga Nyathi uthe uvukele esibhedlela efisa ukusizwa kuOutPatient kodwa katholanga usizo.

UNkosikazi Martha Dube, ogula eseMpilo, uthe abatholi sizo njalo bahlezi kuphela esibhedlela.

Ngenyanga edluleyo odokotela bebekhalele umsebenzi labongi kwezinye indawo bahlangene labodokotela bekhalala umsebenzi.

Kudaba olufanayo, izigulane bezibiselwe emuva esibhedlela esikhulu seGwanda kulandela ukukhalala umsebenzi kwabongi.

Inengi lalabo abavukele esisibhedlela ngoMvulo ekuseni babiselwe emuva kulandela ukukhalala umsebenzi kwabongi.

Omunye osebenza kulesisibhedlela ongathandanga ukuvezwa igama utshele abagulayo ukuthi babuyele ekhaya ngoba kungela ncedo abazaluthola.

Izigulane ezibonakale zise Gwanda Hospital ngoMvulo.
Izigulane ezibonakale zise Gwanda Hospital ngoMvulo.

Lokhu kudanise inengi lalabo abakade bezokwelatshwa abathi abalayo imali yokuthi baye kubodokotela abazimeleyo.

UMnumzana Thabani Moyo, obelethe isihlobo sakhe esibhedlela, uthe bamangele ukuthola abongi bengekho emsebenzini.

Osaphethe isihlalo somqondisi wesibhedlela seGwanda, uDokotela Rutendo Manyati, uthe abongi abafika phose amakhulu amathathu bakhalale umsebenzi kulesi sibhedlela okudale ukuthi bavale.

UManyati uthe abongi abalutshwane abasemsebenzini belapha labo abaphatheke kakhulu labomama abazithweleyo abazodinga uncedo lapho sebehelelwa kuphela.

Abongi abasafundela umsebenzi kanye labe Red Cross yibo kuphela ababonakale esibhedlela seGwanda.

Udaba Esilethulelwe NguAlbert Ncube
please wait

No media source currently available

0:00 0:02:23 0:00

XS
SM
MD
LG