amalinks wokungena

Breaking News

Abantu Abanengi Basekela Uphenyo lweAfrobarometer Oluveze Ukuba Uzulu Kafuni Ukuthi Inkokheli Yomdabu Ingene Ezombusazwe


FILE: Bavota kukhetho eZimbabwe eSherwood Primary School , Kwekwe, Monday July 30, 2018. (AP Photo/Jerome Delay)

Abantu abanengi bavumelana lophenyo, olusanda kwenziwa yinhlanganiso yeAfrobarometer, oluveze ukuba abafika okuyisilinganiso sokungamatshumi ayisikhombisa lambili ekhulwini – 72 percent bafuna ukuba inkokheli yomdabu inganeni kwezombusazwe.

Abanye babo abalombono lo ngabasekela ibandla leZanu PF, okuthiwa lisebenzisa induna nxa kusenziwa ukhetho.

Uphenyo lolu luveza ukuba inkokheli yomdabu iyahlonitshwa ngabantu abanengi ngakho-ke uzulu uthi akumelanga isekele amabandla ezombusazwe.

Isisekelo sombuso welizwe sikubeka sobala ukuba izinduna akumelanga zingene ezombusazwe.

UDokotela Nkululeko Sibanda, isikhulumeli sikamongameli webandla leMDC Alliance elikhokhelwa nguMnu. Nelson Chamisa, uthi iAfrobarometer iyitshaye ekhaleni.

USibanda uthi okwamanje ibandla elibusayo lisebenzisa kwezombusazwe induna, osobhuku labalisa ngesikhathi kusenziwa ukhetho eZimbabwe.

UMnu. Sikhumbuzo Mlalazi, olandela ezombusazwe, uthi kumele inkokheli yomdabu isebenze ndawonye lohulumende lobanje kungamelanga ingene ezombusazwe.

Ingxoxo Esiyenze LoMnu. Sikhumbuzo Mlalazi LoDokotela Nkululeko Sibanda
please wait

No media source currently available

0:00 0:06:10 0:00


Facebook Forum

XS
SM
MD
LG