amalinks wokungena

Breaking News

Umlilo Utshisa Impahla Enengi Yabosomabhizimusi


Isakhiwo lapho okutshe khona impahla enengi yabosomabhizimusi abathuthukayo.

Abamabhizimisi asathuthukayo balahlekelwe yimpahla ebiza inkulungwane lenkulungwane zamadola eMelika ngoLwesine eHarare kulandela ukutsha kwesakhiwo esilamavinkili eseAgribank Mall.

Lumlilo obikwa uqale emadabukakusa ucatshangelwa ukuba ungabe ubangelwe zintambo zikagetsi, kuthi legasi ebigcinwe kweyinye indlu eziphekelwa ukudla.

Impahla yonke itshe yaba ngamalahle.

Impahla etshileyo eHarare
Impahla etshileyo eHarare

Omunye olahlekelwe yimpahla ngusomabhizimusi, Mnu. Caleb Bepeta, othi kalankani ngoba ubelempahla enengi okwamagama kulesisakhiwo.

“Nxa ungakhangela ngilahlekelwe yimpahla efika US$20,000. Ngimelele abacitsha umlilo ukuba bacitshe. Beqeda lapho ngivule isitolo engikutholileyo yikuba konke besekubhidlikile. Ngilethemba ukuba umnyaka usiya phambili ngizenelisa ukusukuma kulokhu ngivule esinye isitolo.”

UBepeta uqhubeke ethi lumlilo ucatshangelwa ukuba uqale ngabo emathathakusa esithi abacitsha umlilo ubehlule labo.

“Mina ngifike lapha ngo2am, ngizwe ukuba umlilo uqale ngo 1am. Abe fire brigade bake bazama kodwa akula abenelisa ukukwenzwa. Bathe sebeqala ukuwumisa umlilo besokuvele kungasasizi.”

Isakhiwo esitshileyo eHarare
Isakhiwo esitshileyo eHarare

Omunye njalo olahlekelwe yimpahla enengi nguMnu Ngonidzashe Madara othi isitolo esitshileyo besilempahla yakhe efika amadola azinkulungwane ezine zamadola eMelika - US$4,000.

Kutsha Impahla Yabosomabhizimusi eHarare
please wait

No media source currently available

0:00 0:02:50 0:00


“Mina ngenza okwama radio, TV, solar panel lama gas tank. Lesi yisitolo sami lapho engigcina khona izinto zami. Ngilahlekelwe yimpahla efika US$,4000.”

Amapholisa labacitsha umlilo bebexotsha abantu abathengisayo labazidlulelayo abakade befuna ukuzibonela isiga lesi.

Isikhulumeli samapholisa uAssistant Commissioner Paul Nyathi uthi imbangela yokulumatha kwalumlilo ayikaziwa basacubungula okuhle yikuthi akulamuntu ofileyo loba ukulimala kulingozi ngaphandle kokulahlkelwa yimpahla.

Facebook Forum

XS
SM
MD
LG