amalinks wokungena

Breaking News

Kusungulwa Amabhizimusi Amanengi Kuhlelo lweZIM-AIED

  • Gibbs Dube

Kuhlandla lesithathu sodaba lohlelo oluqondiswa yinhlanganiso ye USAID yakwele Melika olwe Zimbabwe Agricultural Income and Employment Development program (ZIM-AIED) ngoLwesithathu sihlolisisa okumunyethwe yisikhwama se Zimtrade esingaphansi kohlelo lolu.

Isikhwama se Zimtrade silezigidi ezilitshumi zamadollar eMelika - $10 million etholakala eTrust Bank, CABS le Micro King Finance.

Isikhwama lesi siphethwe yinkampani yeMelika eye Fintrac ibambisane lenhlanganiso ye International Relief Development. Isikhwama lesi sinceda abalimi labosomabhizimusi abathuthukayo ukuthi badinge izikwelede emabhanga la.

Izikwelede ezedlula inkulungwane lamakhulu amathathu – 1,300 sezanikwa abalimi labosomabhizimusi selokhe kwasungulwa uhlelo lolu ngomnyaka ka 2010.

Omunye wabathola izikwelede phansi kwalolu hlelo nguNkosikazi Georgina Mhlanga owe Mazankila Village eLupane esabelweni se Matabelelend North.

Unkosikazi Mhlanga uthi uqale ukuthola izikwelede ezitshiyeneyo ngomyaka ka 2011.

Njengenengi labantu abathola izikwelede emabhanga ngaphansi kwe Agritrade, uthi wabambisa impahla yakhe ukwenzela ukuthi athole izikwelede.
XS
SM
MD
LG