amalinks wokungena

Breaking News

EU Court: U-Georgias Akala Lungelo Lokudinga Ukuhlawulwa Ukubotshwa eHeathrow Airport


Aguy Georgias
Aguy Georgias

Idale lomthethwandaba weEuropean Court of Justice ngoLwesine lethule isinqumo sokuthi akumelanga uMnu. Aguy Georgias owayefakelwe izijeziso zenotho yiEU ahlawulwe ukubotshwa kwakhe eHeathrow Airport eBhilithane ngomnyaka ka2007.

UGeorgias, owayengumsekeli womphathintambo wezokuthuthukisa ilizwe ngalesosikhathi, wabotshwa okwesikhatshana wabiselwa kwele Zimbabwe aze atholakale ukuthi wayefakelwe izijeziso zenotho ezafakelwa njalo uMongameli Robert Mugabe labanye bakhe bebandla leZanu PF.

Umthethwandaba lo uthe uGeorgias ongumnikazi weTrinity Engineering, kwakungamelanga adlelane labantu beZanu PF abafakelwa izijeziso lezi nxa wayefuna ukuba abelemvumo yokwethekelela amazwe akuEuropean Union.

Idale lomthethwandaba leli liphinde lathi uGeorgias wahambisa udaba lwakhe emthethwandaba ongayisiwo ngakho-ke kwakumele abhekane lamadale emthethwandaba eBhilithane.

Wayefuna ukuthi ahlawulwe imali engabikwanga yokuthi walahlekelwa yibhizimusi njalo kazenge anikwa amaphilisi okumele awanathe ngesikhathi ebotshwe ngamapholisa.

Izijeziso zenotho zafakalwa abalandeli bebandla leZanu PF ababecatshangelwa ukuthi bakhahlameza uzulu eZimbabwe. Kasenelisanga ukuxoxisana legqwetha likaGeorgias okade ebambekile emthethwandaba weEU.

Ukuze sihlaziye udaba lolu, akesizwe UGibbs Dube weStudio 7 exoxa loMnu. Godwin Phiri ingcwethi kwezombusazwe njalo okunhlanganiso yeINTCHA Youth othi uGeorgias ulelungelo lokuhambisa udaba lolu emthethwandaba kwele Bhilithane.

XS
SM
MD
LG