amalinks wokungena

Breaking News

‘Amabandla Aphikisayo Amanengi Abunjelwa Ukudinga Imali Yenkokheli’


Kulabanye abantu abathi amanye amabandla aphikisayo abunjelwa ukuphanda imali kubelamanye alenjongo yokuvuselela umbuso welizwe leZimbabwe. Bathi kuyadanisa ukuba amanye amabandla la ayabhidlika kungenziwa ukhetho.

Abachothoza ukubunjwa kwamabandla aphikisayo amengi bagoqela eleZapu elikhokhelwa nguMnu. Sibangilizwe Nkomo, umntaka muyi uJoshua Mqabuko Nkomo.

UMnu. Patrick Ndlovu okubandla leli uthi amanye amabandla aphikisayo adinga imali kuphela.

UMnu. Nhlanhla Ncube, omunye wababumba inhlanganiso yeFreedom Alliance, uthi kunengi okwenza kubunjwe amabandla aphikisayo eZimbabwe.

Lokhu kusekelwa nguMnu. Effie Dlela Ncube, ingcwethi kwezombusazwe ezimeleyo.

Akulamthetho ovimba ukubunjwa kwamabandla eZimbabwe. Lawo athola amavoti athe xaxa kukhetho anikwa nguhulumende imali yokuqhuba inhlelo zayo phansi komthetho owePolitical Parties Finance Act.

Facebook Forum

XS
SM
MD
LG