amalinks wokungena

Breaking News

Uzulu Uswela Imali Emabhanga yeKhisimusi


Abantu abanengi ngoLwesibili behlulekile ukuthola imali emabhanga ngenxa yokuswelakala kwayo emabhanga okobangelwa yikungathuthuki komnotho welizwe.

Ezinye izikolo ePlumtree esabelweni seMatabeleland South zicine zinika ababalisi amaphepha okuthenga impahla yekhisimusi sebehlulekile ukuthola iholo labo emabhanga. Ezinye izitolo bezisala ukuthatha amaphetshana la.

Kusenjalo, izakhamizi zakoBulawayo, Harare, Plumtree le Masvingo ezikhulume le Studio 7 zithe amabhanga anjenge Metropolitan, Kingdom kanye le Allied banks kade enika umuntu munye amadollar amatshumi amahlanu amadollar - $50 kusiya kumadollar angamakhulu amabili lamatshumi amahlanu - $250 kuphela.

Zithi inengi labantu kalenelisanga ukuthola imali emabhanga ngakho-ke kuzabanzima ukuthenga impahla etshiyeneyo ngeKhisimusi kusasa.

Omunye walabo akade bedinga imali ngamehlo abomvu uMnu. Melusi Moyo uthi ama automated teller machines aweKingdom Bank kade engasasebenzi ngesikhathi befika kulelobhanga.

Siphinde saxoxa njalo loMnu. Trymore Mpofu we Plumtree othi lama war veterans abethwele nzima ngokudinga imali njengoba uhulumende engafakanga imali yabo emabhanga.
XS
SM
MD
LG