amalinks wokungena

Breaking News

Amankampani Kahulumende Athola Inzuzo Encane


Umphathintambo wezamankampani kahulumende uMnu. Gorden Moyo uthi kulamankampani ayisikhombisa asebenze kakuhle nyakenye enelisa ukuthola inzuzo encane.

UMoyo uthi amankampani la agoqela iTelOne, Post Office Savings Bank, Zimbabwe Electricity Supply Authority Holdings, NetOne, Zimbabwe Power Company, Petro Trade (Pvt) Ltd le National Oil Infrastructre Company of Zimbabwe, athole inzuzo ngoba elandele iziqumo zikahulumende zokuwathuthukisa.

Uphinde wathi kulamanye njalo atshengisa ukuthi alakho ukuthola inzuzo elohlonzi ngesikhathi esifitshane esilandelayo afana laboAgribank.

Uthe okuhlupha amankampani amanengi kahulumende yikuthi alezikwelede ezimangalisayo.

UMoyo uthe uhulumende uzanika amankampani la izigidi ezedlula ikhulu zamadollar-$124million yokubhadala amapentsheni lo kunye okutshiyenayo akade kungasabhadalwa ngenxa yokuswela imali.

Uthe kulamankampani angamatshumi phakathi kwangamatshumi ayisikhombisa lasithupha enelise ukuvezela uhulumende indlela ezibalulekileyo zokuqhuba umsebenzi okuthiwa yiCorporate Governance Compliance Reports.

Okunye njalo okujabulise ugatsha lolu yikuthi inkampani yeGMB yenelise ukwenza umhlangano omkhulu weAnnual General Meeting okokuqala emnyakeni engamatshumi ayisitshiyangalombili – 81 years.

Ugcizelele esithi amanye amankampani la avuma ukuphungula imali eholwa ngabaqondisi bawo eyayinengi okwamagama.

please wait

No media source currently available

0:00 0:03:02 0:00
Lapho esitholakala khona
XS
SM
MD
LG