amalinks wokungena

Breaking News

Abantu Bakhala Ngokuvalwa Kwamanzi koBulawayo


Bulawayo Waterworks

Idolobho lako Bulawayo selileviki egcweleyo lingela manzi ngenxa yohlelo lukamansipala olokulungisa imitshina esithitshini seCriterion Plant kanye lempopi ezidonsa amanzi.

Izakhamuzi zakoBulawayo zihlaba umkhosi omkhulu ngokuswelakala kwamanzi. Bezikhangelele ukuthi amanzi azavulwa ngemva kwensuku ezine njengokwethembisa kukamanisipala.

Isikhulumeli sekhansili, uNkosikazi Nesisa Mpofu, uthi ukuvalwa kwamanzi kubangelwe ngumsebenzi owenziwa esithitshini seCriterion Plant ngenhloso yokuthuthukisa ukuhlanjululwa kwamanzi ukuze afinyelele uzulu wonke.

“Ngenxa yomsebenzi oyenzakalayo eCriterion Water Treatment Plant lapho esigezisa khona amanzi anathwa yizakhamizi zakoBulawayo siyananzelela ukuthi iplant ibivalile kungela manzi aphumayo sokwenze izakhamizi ezinengi zifike insuku eziyisitshiyangalo mbili zingela manzi. Njengedolobho siyaxolisa.”

UMnu. Thembelani Dube, unobhala wenhlanganiso yezakhamizi eyeBulawayo Progressive Residents’ Association, uthi ukuhamba kwamanzi isikhathi eside kangaka kuyingozi ngoba kungaqhamuka imikhuhlane yesihudo.

Bulawayo Water Works
Bulawayo Water Works

“Njengezakhamizi zakoBulawayo sikhathazekile kakhulu ngokuthi amanzi lokhe engekho. Ngikhuluma nje ekuseni besilama ward angu13 akade elokhe engela manzi. Sesileviki singela manzi. Besikhangelele ukuthi iCity Council ngabe kuthiwa ibisivulile nxa sekunje sekungadala ingozi enkulu kakhulu ngoba sekungaqhamuka umkhuhlane wesihudo leminye imikhuhlane ebangelwa yikuswelakala kwamanzi.

“Sithii next time nxa iCity Council izayenza into enje kayibe lama contingency measures afakwayo ukuze abantu bakithi bangadubeki. Konke lokhu kutshengisa ukuthi iBulawayo City Council ayila ma strategies, ngoba basitshele kusele ilanga elilodwa kutshengisela ukuthi kakhathaleli uBulawayo.”

UMnu. Joe Mabhatshi, esinye njalo isakhamuzi sakoBulawayo, uthi sebethwele nzima ngokuswela amanzi.

“Sithwele nzima ngendaba yamanzi lokuhamba kwawo. Uzathola ukuthi amalayini atshaya khonale esikhotshweni lamanzi akhona engaphumi kulezo zikotsho. Lathi asisakwazi ukuthi senzenjani, nga bayasenzela okuyi time table. Abantwabethu besikolo bathola kungela manzi, abasanathi manzi, akugezwa ayi imikhuhlane izasithwalisa nzima.”

Bulawayo Water Works
Bulawayo Water Works

Umzali, uNkosikazi Abigal Nleya, uthi ukuvalwa kwamanzi kubathwalisa nzima ikakhulu omama abalomlandu wokunakekela imuli.

“Indaba yamanzi iphambanisa abantu, ikakhulu in terms of planning. Kwesinye isikhathi liyabe lisithi lizathi livuka esekhona amanzi kodwa liyavuka liwathole engekho. Sokuthatha ukuthi omama baqale bayedinga amanzi, ayalayinelwa ezibhoraneni, kumbe uthole kwezinye indawo okubhadalelwa khona amanzi, like ema church yi25c ibhakede elilodwa. Lasezambuzini abantu abasenelisi ukuthi bangene kuhle.”

Idolobho lakoBulawayo lithi lokhu kuzedlula njengoba lizama ngamandla wonke ukuthi lilungise udaba lolu ngokutshetsha njalo okuphakeme.

Udaba Esilethulelwe NguBathabile Masuku
please wait

No media source currently available

0:00 0:03:51 0:00

Facebook Forum

XS
SM
MD
LG