amalinks wokungena

Izakhamizi Zikhala Ngokuswela Amanzi Ahlambulukileyo


Abantu abanengi eKezi bathi kabatholi amanzi ahlambulukileyo. Bakha amanzi lapho okunatha khona inyamazana lezifuyo zabo.

Izakhamizi zeKezi esabelweni seMatabeleland South zikhala ngokuthi azilamanzi ahlanzekileyo okusebenzisa okwenza ukuthi zinathe amanzi lenyamazana emachibini lezifuleni.

Zithi amanzi atholakala emachibini asephelile njengoba izilu selama ukuna. Okwamanje sezithwele nzima ngokuthola amanzi njengoba lezifundlana lazo sezingasela manzi.

Inengi labo lithi abantu abanengi sebehlaselwe yimikhuhlane enjengowesihudo kanye lejwabu ngoba akulamanzi ahlambulukileyo.

Abanye abakhulume leStudio 7 bagoqela uNkosikazi Sibongile Ndlovu, uNkosikazi Nokuthaba Ncube loNkosazana Evelyn Khumalo abahlala eSt. Josephs.

UNkosikazi Khumalo uthe sokuqhamuke umkhuhlane wesihudo kuthi abanye bayaqaleka ngenxa yokuswela amanzi emzimbeni.

UNkosikazi Ndlovu ugcizelele esithi kulandela ukudubuka kwedamu labo sebenatha emthonjeni wakoNyongolo olungisa amanzi usebenzisa iWindmill yakoNyangolo.

UNkosikazi Ncube uthe okukhiwa khona amanzi okusebenzisa insimbi okubizwa ngokuthi yisikotsho akusasebenzi. Uthe abanye abantu sebedinga amanzi endaweni ezingcolileyo okwenza ukuthi bagule.

UNkosikazi Evelyn uthe kumele abameli bezigaba basebenze gadalala ukuze kube lemigodi yamanzi ahlanzekileyo.

Facebook Forum

XS
SM
MD
LG