WASHINGTON —
Umsekeli wenhloko kahulumende uNkosazana Thokozani Khuphe ngoLwesihlanu ukhuthaze ele Zimbabwe ukuthi liqhubeke ngokusungula inhlelo zokuthuthukisa ukutholiswa kukazulu amanzi ahlanzekileyo elizweni ngendlela yokuvikela imkhuhlane ebangelwa yikusilela kwawo.
UNkosazana Khuphe ubekhuluma emkhosini wokunanza ilanga lokulondolozwa kwamanzi emhlabeni jikelele, iWorld Water Day, enkundleni yeChinotimba Stadium eVictoria Falls.
Bekuleziphathamandla zikahulumende ezigoqela umphathintambo wenhlelo zamanzi uMnu. Sam Sipepa-Nkomo lezinye iziphathamandla zikahulumende kulumkhosi.
Umnumzana Nkosilathi Jiyane, uMayor wedolobho leVictoria Falls utshele iStudio 7 ukuthi uNkosazana Khuphe uphinde wavula ngokusemthethweni uhlelo lwe “National Water Policy” olokhangelelwe ukulethela abantu amanzi.
Ngaphandle kwe Zimbabwe abantu abanengi emhlabeni jikelele labo ngoLwesihlanu bananze ilanga lokutholiswa kukazulu amanzi ahlanzekileyo ele World Water Day elinanzwa mnyaka yonke mhlaka 22 ngoMbimbitho.
Umnu. Ban Ki Moon unombhala jikelele wenhlanganiso yomanyano wamazwe womhlaba eye United Nations wethule umbiko wokukhuthaza uzulu ukuthi asebenzise amanzi ngonanzelelo.
Uthe amanzi yiyo insika yempilo kazulu ngakho-ke amazwe wonke kumele aphathisane ukuwasebenzisa ngemfanelo.
Abantu abanengi eZimbabwe bathi kabalijabuleli ilanga leli kangako njengoba inengi labo lingenelisi ukuthola amanzi ahlanzekileyo okunatha lokulima.
Ukhansila Peter Moyo wedolobho le Harare uthe abantu makhaza kabatholi amanzi ngemfanelo edolobheni leli.
Umnu. Roderick Fayayo umqondisi wenhlanganiso yezakhamizi eye Bulawayo Progressive Residents Association uthi okuhluphayo yikuthi uhulumende akalandaba lokulethela uzulu weMandebeleni amanzi avela kungulukudela.
Inhlanganiso yamazwe omhlaba iUnited Nations ithi kulabantu abedlula izigidi ezingamakhulu ayisikhombisa lamatshumi ayisitshiyangalombili – 783 million – abangenelisiyo ukuzuza amanzi ahlanzekileyo.
UNkosazana Khuphe ubekhuluma emkhosini wokunanza ilanga lokulondolozwa kwamanzi emhlabeni jikelele, iWorld Water Day, enkundleni yeChinotimba Stadium eVictoria Falls.
Bekuleziphathamandla zikahulumende ezigoqela umphathintambo wenhlelo zamanzi uMnu. Sam Sipepa-Nkomo lezinye iziphathamandla zikahulumende kulumkhosi.
Umnumzana Nkosilathi Jiyane, uMayor wedolobho leVictoria Falls utshele iStudio 7 ukuthi uNkosazana Khuphe uphinde wavula ngokusemthethweni uhlelo lwe “National Water Policy” olokhangelelwe ukulethela abantu amanzi.
Ngaphandle kwe Zimbabwe abantu abanengi emhlabeni jikelele labo ngoLwesihlanu bananze ilanga lokutholiswa kukazulu amanzi ahlanzekileyo ele World Water Day elinanzwa mnyaka yonke mhlaka 22 ngoMbimbitho.
Umnu. Ban Ki Moon unombhala jikelele wenhlanganiso yomanyano wamazwe womhlaba eye United Nations wethule umbiko wokukhuthaza uzulu ukuthi asebenzise amanzi ngonanzelelo.
Uthe amanzi yiyo insika yempilo kazulu ngakho-ke amazwe wonke kumele aphathisane ukuwasebenzisa ngemfanelo.
Abantu abanengi eZimbabwe bathi kabalijabuleli ilanga leli kangako njengoba inengi labo lingenelisi ukuthola amanzi ahlanzekileyo okunatha lokulima.
Ukhansila Peter Moyo wedolobho le Harare uthe abantu makhaza kabatholi amanzi ngemfanelo edolobheni leli.
Umnu. Roderick Fayayo umqondisi wenhlanganiso yezakhamizi eye Bulawayo Progressive Residents Association uthi okuhluphayo yikuthi uhulumende akalandaba lokulethela uzulu weMandebeleni amanzi avela kungulukudela.
Inhlanganiso yamazwe omhlaba iUnited Nations ithi kulabantu abedlula izigidi ezingamakhulu ayisikhombisa lamatshumi ayisitshiyangalombili – 783 million – abangenelisiyo ukuzuza amanzi ahlanzekileyo.