amalinks wokungena

Breaking News

Isingenile Indlala eZimbabwe Lakwamanye Amazwe eAfrica


Amabele asetshile emasimini ikakhulu eMatabeleland leNkabazwe. (Photo: Butholezwe Kgosi Nyathi)

Amazwe angezansi kwezwekazi leAfrica, agoqela iZimbabwe, abhekane lendlala enkulu lonyaka, ngenxa yezulu elingananga ngemfanelo.

Ingcwethi ezibona ngezomkhathi zithi lokhu kwenziwa yikuguquka komkhathi obaselwa yintuthu ephuma kumafekithali lezimotheni emazweni womhlaba.

Umqondisi weMeteorological Services, uMnu. Tichaona Zinyemba, uthi kunengi okwenzakala emkhathini okwenza ukuthi amabele atshe emazweni amanengi ngenxa yokuswelakala kwezulu.

Uthi izulu lizacina ukuna eZimbabwe kunsukwana ezilandelayo njalo lelo elizakuna kalisoze livuselele amabele asetshile emasimini.

Uphinde wathi amanye amabele eZimbabwe ahuqulwa lizulu lesikhukhulu ngakho-ke ilizwe selibhekane lendlala enkulu.

Uzulu kavunanga lutho ezabelweni ezibalisa iMatabeleland, eMasvingo leNkabazwe.

Uhulumende usevumele inkampani ezizimele zodwa ukuthi zidinge umumbu kwamanye amazwe loba nje kuhlupha eSouth Africa lapho asebedinga khona njalo umumbu ngenxa yendlala. Induna yeBubi, uMtshana Khumalo, utshele uGibbs Dube weStudio 7 ukuthi kulendlala emangalisayo lonyaka.

Ingcwethi kwezokuthuthukisa umnotho kazulu, uMnu. Everson Ndlovu utshi kumele uhulumende avuselele ukulima kusetshenziswa impompi zamanzi ukuze abantu makhaza bengabulawa yindlala.

XS
SM
MD
LG