amalinks wokungena

Breaking News

'Kuzathatha Isikhathi Eside Ukuthi Ilizwe leZimbabwe Lithuthuke'


UAmbassador Harry Thomas Jnr. osesuka kwele Zimbabwe.

UAmbassador Harry Thomas Jnr, ummeli weMelika kwele Zimbabwe uthi kuzathatha isikhathi eside ukuthi umnotho welizwe leZimbabwe uthuthuke.

Uthi kumele ele Zimbabwe libhadale izikwelede njalo lingadlalisi imali ngokuthenga impahla elentengo ephezulu njengezimota zeziphathamandla zikahulumende.

“Kumele sikhulume iqiniso ukuthi kuzathatha isikhathi eside ukuthi ilizwe leZimbabwe lithuthuke ngemfanelo. Kodwa kulula nje ngoba okumele ukzwenze yikubhadala izikwelede. Lapha ngikhuluma ngezikwelede zamabhanga amakhulu awamazwe wonke womhlaba jikelele. Nxa kusehlula, kumele kukhulunyiswane ngodaba lolu ukuze uzibhadale ngesikhathi esilandelayo.

“Kuqakathekile lokhu kakhulu njalo ukukhuluma lamankampani azimele wodwa. Yikho lokhu okwenza ukuthi iziphathamandla zelizwe leZimbabwe zihambe emhlanganweni omkhulu eDavos eSwiterland, eRwanda lezinye indawo zomhlaba.”

Uthi amanye amazwe empumalanga aphumelela ngokulwisana lokungethembeki lokunye okufanayo okwenza athuthuke ngemfanelo aze abhidlizwe ngohulumende ababengenzi kahle.

UAmbassador Harry Thomas Jnr. loBlessing Zulu weVOA Studio 7.
UAmbassador Harry Thomas Jnr. loBlessing Zulu weVOA Studio 7.

UAmbassador Thomas Jnr. uthi ilizwe lingeke lathuthuka nxa lingabambisani lamankampani azimele wodwa.

Amankampani azimele wodwa yiwo azalethela ele Zimbabwe inguquko efunakalayo. Sakubona lokhu emazweni asempumalanga, sakubona lokhu elizweni leRwanda. Amazwe wonke la enza kwabalula ukuthi osomabhizimusi bakwamanye amazwe bavule amafekithali emazweni abo. Balwisana lokungethembeki balungisa lemigwaqo lokunye okufanayo ezehlisa intengo yempahla etshiyeneyo.

Sibona engani lokhu yikho okumele kwemele kwenziwe lilizwe leZimbabwe. Akwenzi ukuthi kubelilizwe lezigilamkhuba ezeqambula umnotho welizwe zisenzele ukuzinothisa. Akulunganga ukuthi batshontshele uzulu ngokuthenga izimota ezidula okumangalisayo abantu behlupheka.

UAmbassador Thomas Jnr, obesehlale kwele Zimbabwe ekweminyaka embalwa, ukhangelelwe ukuthi uzagqiba umsebenzi wakho ekupheleni kukaMbimbitho.

Facebook Forum

XS
SM
MD
LG