amalinks wokungena

Breaking News

IEuropean Union, EleMelika Bachothoza Ukubotshwa Kwamalunga Amabandla Aphikisayo Aqoqa Imihlangano eZimbabwe


Amapholisa adla amalahle eZimbabwe.

Amapholisa aqhubekela phambili ebopha abalandeli bebandla leMDC Alliance abaqoqa imihlangano endaweni ezitshiyeneyo.

Babotshwa ngesikhathi ibandla leZanu PF liqoqa imihlangano ezabelweni zonke zelizwe. Amapholisa asanda kubopha abalandeli bebandla leMDC Alliance eMasvingo, Mashonaland West kanye leHarare abetheswa amacala okwephula iziqondiso zohlelo lokuvalelwa kwabantu ezindlini olweCOVID-19 lockdown.

Lokhu kusolwa ngumanyano wezwekazi leEuropean Union owethule umbiko enkundleni yeTwitter othi kukhanya engani imithetho eZimbabwe isetshenziswa ekuncidezeleni uzulu.

Ilizwe leMelika lilombono ofanayo. UMnu. Ned Price, isikhulumeli sohlangothi lukahulumende olubona ngokudlelana lamanye amazwe, uthi akumelanga ibandla leZanu PF lisebenzise imithetho ngendlela eveza sobala ukuba lifuna ukuncindezela uzulu.

UMnu. Kazembe Kazembe, ophethe uhlangothi lukahulumende olubona ngezemithetho, uthi kungamanga ukuthi basebenzisa umthetho ngendlela encindizela amabandla aphiisayo.

UMnu. Simon Khaya Moyo, isikhulumeli sebandla leZanu PF, uthi bakhuluma abangakwaziyo abantu bakwele Melika kanye leEuropean Union.

Facebook Forum

XS
SM
MD
LG